Ninh Thuan song Binh Thuan mek hu tanut palei pala bahrau

Kuhria tal masa ini, hadei di hu pok brei angan lac xã mek hu tanut chuan palei pala bahrau meng di thun 2017, xã Phan Hiệp, huyện Bắc Bình, tỉnh Bình Thuận hu dom mbang ngak siam lagaih ka dah dai mbaok meta puk palei bhum urang bangsa Cam.

Jalan tame dom puk palei dalam xã masa ini hu tuh mbetong saong dom jalan talei gom manyek dien biak khang kajap, sang bac, sang iek ruak hu padang ngak bahrau, dom danak dak kraong ribaong jalan mbak nao mai dalam mblang hamu hu padang ngak biak khang karo, dom gah jalan thaoh tathuak ia jeng hu buh jien brei padang ngak. Ong Tiền Minh Quang, xã Phan Hiệp, huyện Bắc Bình, tỉnh Bình Thuận ndem mayai lac:

Meng thun 2014 – 2015 tal ni, kayua karja sangka dong ba...

Brei paglaong jien mek tame ka bhap bini ieu lac sa dalam dom asal kadha hu makna praong dalam bruk padang ngak palei pala bahrau. Meng tukvak blaoh tapa, xã  hu padang danak dak ngak dom jalan cak rok patagok kinh tế brei ka bhap bini ka bruk raong glang, pala drak brei pandar dom ilamo kỹ thuật piah ba mai kein laba ralo  glaong. 

Min tapi, labaih dua thun blaoh tapa, kayua langik tasik oh siam lagaih, gam tui njauk kan kandah kayua jit COVID-19 yau nan ye bruk ngak mbang, pala drak jang yau yaom kaom di dom pandap panda kaya meng ngak nong jeng laik trun. Bruk pato magru bruk ngak, bruk langyah ba bruk ka urang ngak daok kurang daok takik. Raidiuk di bhap bini daok gaok rilo kan kandah, yau nan ye bruk pathau khan, jak ba blei harak caga bảo hiểm y tế di bhap bini urang Cam di ini daok ndam rilo kan kandah. Urak ini dom urang blei harak caga bảo hiểm y tế di xã Phan Hiệp njauk hu labaih 65%.

Ong Tôn Hoài Vũ, Phó akaok UBND xã Phan Hiệp, huyện Bắc Bình, tỉnh Bình Thuận daok brei thau:

Urak ni, bruk kan kandah prong di abih  lac tanut  huyện jao brei labaih 90% …

Piah khik tani tanat tan dom asal kadha nan di dalam dom thun meng anak, Đảng ủy, UBND xã Phan Hiệp njauk padang ngak saong ba tabiak dom jalan langyah cambaih laih ka yaok asal kadha. Dalam nan, pataom prein yava ba tame dom asal kadha hu pambuak tal bruk cak rok patagok kinh tế, hacih saat alam dunya môi trường, bảo hiểm y tế.  Gam tui di nan njuak jhul pakhang bruk pathau khan, jak ba urang jakar, urang dang saong urang bhap bini brei paglaong akaok saneng, ngak cambaih bruk khik tani tanat saong khik pakhang karo xã palei pala bahrau ieu lac sa jalan ngak praong njauk peih ngak yaok harei, peih ngak gam gam piah ka công nghiệp hóa, hiện đại hóa bruk ngak nong, palei pala, kham marat khik pakhang karo 19 asal kadha ngak hu blaoh saong paglaong dom asal kadha./.

Urang lang: Samad Han -17/7