Di Ban raya song Binh Duong dok duah urang ngak mai ngak bruk 

Piah gilac veik bruk ngak hadei di Tết saong dui pachreih hu rilo urang ngak, rilo doanh nghiệp hu ba tabiak rilo jalan ngak yau: tagok jien bilan, jien  thưởng, alin hadiah harak radaih ka urang ngak nao palei mbang tết, brei radaih pajeng ba urang ngak nao palei mbang Tết saong thưởng jien ka urang ngak gilac veik ngak bruk njauk tuk vak…

Di Khu công nghệ glaong ban raya HCM, Công ty TNHH Nidec brei thau bruk palih ruah urang ngak ngan haong yaom jien mek tame meng 7 triệu 800 rabau đồng tal 10 triệu 400 rabau đồng sa bilan. Gam haong nan daok hu daong  jien radaih nao mai, jien brei ka urang ngak bruk tari tareng, pabak brei meng 2 tal 3 van mbang sa harei…

Công ty TNHH FAPV di Khu chế xuất Tân Thuận, brei thau bruk palih ruah 300 urang ngak ngan haong yaom jien mek tame meng 10 triệu đồng sa bilan. Dreih yau nan, Công ty TNHH Strongman jeng palih ruah 300 urang ngak piah ngak dom janih sruh radaih juak, radaih juak điện ngan haong yaom jien meng 8-12 triệu đồng sa bilan. Daok công ty Jru Savi daok caong khin palih ruah 30 urang ngak.

Di dom khu ngak kong, khu chế xuất karei yau: Tân Bình, Linh Trung 1, 2, Tân Tạo (TP.HCM), Bình Đường, Sóng Thần (Bình Dương)…, yaok DN jeng pakacah gauk brei thau ka bruk palih ruah yaok rituh urang ngak, rilo meng lac urang ngak phổ thông ngak bruk dalam gah jhik pet, takkaok kalik… ngan haong yaom jien mek tame meng 7 tal 8 triệu đồng tagok sa bilan tagok.

Ong Phan Kỳ Quan Triết, Phaok akaok Pasak kuhria dahlau bruk urang ngak saong brei thau ka darak pasar urang ngak TP.HCM, brei thau: dalam thun ini, hu 2 kịch bản ba tabiak ka bruk palih ruah urang ngak di ban raya. Tui nan, meyah jit Covid-19 hu pasang iek siam, ban raya meda caong khim jaik 87.000 urang ngak dalam klau bilan akaok thun. Cagar veik, meyah jit ruak jeng daok srau kadau, ban raya jeng caong khin labaih 78.000 uramg ngak dalam 3 bilan akaok thun ini. Hatai caong khin urang ngak tapa bac megru meda meblah 86% taong abih urang ngak.

Dalam tuk nan, di tỉnh Bình Dương, tui kuhria dalam klau bilan akaok thun 2022 caong khin jaik 40.000 tal 50.000 urang ngak piah pabak ka bruk ngak di dom doanh nghiệp ngak dom đơn hàng hu mboh tangin blaoh, đơn hàng bahrau.

Sa-ai Trần Thị Kim Châu, urang ngak gah palih ruah urang ngak di sa công ty ngak gah jhik pet di Khu công nghiệp Sóng Thần 1, brei thau: urak ini dom doanh nghiệp hu rilo jalan ngak piah dui pachreih saong khik takai urang ngak, abih di nyu lac urang ngak hu ilamu glaong. Dom bruk yau: jien brei ka urang ngak rilo thun, jien daong ngak bruk trak, daong jien xăng, jien sang, jien raong anek sit… meda daong patagok jien mek tame ka urang ngak, daong ka dom urang nan chreih chrai ngak bruk, ba abih drei ngak bruk ka doanh nghiệp.

Anak tal, TP.HCM jeng hu rilo sarak bahrau piah daong yau daong jien pato bruk ngak ka urang ngak; brei ngak dahlau bruk pato bruk ngak ngan haong urang ngak daok hu mbang tui sarak daong urang buh prein ka cách mạng, urang jaoh jo, urang bangsa takik, urang dalam baoh sang kathaot, jaik kathaot saong urang ngak dalam dom doanh nghiệp kayua urang kamei ngak po./.

Urang lang: Jasi -8/2