Di Khoa Pasiam kalik - Sang iek ruak Da liễu TP.HCM, pak meng dom menuac di labik taduan raok, talei akhar salam uan saong papal tacei pato jeng hu pabak sap negar langiu.

Sa bilik cang brei ka tuai “Du lịch – Y tế” jeng hu wifi, hu pabak ia menyum atau mac pablei ia automatic, labik pabak baoh kayau, ahar. Gah angaok hu màn hình mayaih khan dom bruk ngak meng sap Viet saong sap Anh.

Sang iek ruak Da Liễu TP.HCM daok ba tabiak paok du lich y tế haong 2 paok jit vu thẩm mỹ, hu: sangka kalik thư giãn saong sangka kalik, ngak pasiam kalik. Hadei di tuk pandar dịch vụ, tuai patui veik jalan nao ma-in bo oh cang padeih padei.

Bác sĩ chuyên khoa 2 Nguyễn Thị Phan Thúy- Phó yam ndok Sang iek ruak Da liễu TP.HCM brei thau, hadei di mbang jit ruak COVID-19, dom tuai mai taong ruak pasiam kalik dak harei dak rilo, dalam nan hu rilo tuai negar langiu. Nan ye, sang iek ruak hu caga meng lavik mai dom menuac ngak,  pandap panda, jamriak piah peih ngak du lịch y tế, dui katut panak veik bruk taduan ngak, mbuan, lagaih dalam bruk dut iek, samar drah brei thau ka bruk dut iek: “Dom menuac ngak meng urang pato tacei, điều dưỡng pabak bruk di kol dahlak meda ndem hu cambaih sap Anh. Daok bác sĩ hu mbaok tame iek ruak, taong ruak “Du lịch – Y tế” jeng ndom gheih sap Anh – ini lac janih sap bo sang iek ruak tut angan pandar dalam danak dak tui adat, hu ilamo glaong dalam bruk ngak”.

Daok di Sang iek ruak Răng Hàm Mặt TP.HCM, langiu di bruk caga dom menuac ngak, dom ilamo ky thuat bahrau jeng hu sang iek ruak caga blaoh piah meda taong ruak tuk urang ruak nao veik palei negar. Bác sĩ chuyên khoa 2 Nguyễn Quang Việt, Akaok khoa ilamo glaong 1, Sang iek ruak Răng Hàm Mặt TP.HCM brei thau:  “Bác sĩ, nha sĩ labik urang ruak daok iek ruak tuk camriep di negar langiu ye urang meda payua dom phim X-quang atau lac dom bruk ngak, thaot binguk mai piah ka drei tacei jalan iek tui  dom blah thaot nan. Pambuak haong gauk piah ngak blaoh hadei di nan tal sa tukvak ye urang ruak nao veik negar nan, urang meda ngak veik”.

Tui TS.BS Hồ Nguyễn Thanh Chơn, Akaok khoa Phẫu thuật Hàm mặt- Răng hàm mặt, Sang iek ruak Đại học Y Dược TP.HCM, meng kapul y bác sĩ hu ilamo glaong gam haong pandap panda bahrau, pandar kong nghe bahrau …, lac jalan peih tabiak ka sang iek ruak cak rok patagok dom jit vu du lịch y tế. Min brei hu bruk pambuak gauk siam di dom kong ty du lịch lữ hành saong sang iek ruak piah hu tukvak lagaih ka bruk iek ruak saong taong ruak ka tuai.

Tui Sở Du lịch TP.HCM, dom sang iek ruak, labik y tế, doanh nghiệp lữ hành, labik padeih padei, jit vu mek hu tanut chuan…njauk roh duah piah padang, ngak bahrau saong mayaih khan dom paok pandap du lịch haong y tế, iek glang prein yava dui pachreih tuai damuai. Meng pandap du lịch y tế, TP.HCM meda pataom tame tuai pakat mbaih saong pakat glaong piah patagok bruk ba drei tame, dui atah tukvak daok veik saong patagok jien cai pandar tuk pambuak du lịch padeih padai haong du lịch y tế. Amuk Nguyễn Thị Ánh Hoa- Yam ndok Sở Du lịch TP.HCM brei thau: “Bruk du lịch iek glang prein yava lac sa dalam dom bruk bahrau bo TP.HCM daok biak sangka saong urak ini TP.HCM daok pambuak haong dom  doanh nghiệp ngak pasiam dom tour iek glang prein yava. Oh lac dom tour duh ka tuai mai ma-in tal TP.HCM bo daok pambuak haong Vũng Tàu, Đồng Nai saong dom tỉnh Đông Nam Bộ piah tabiak mbaok dom tour pambuak tui bruk ini”.

TP.HCM hu rilo sang iek labik puac. Kein lagaih maraik gauk praong abih di du lich y tế TP.HCM dut saong dom taneh ia dalam bhum lac yaom jien lap, ilamo di bác sĩ saong chat luong bruk ngak siam. Tui dom urang ilamo, dom sang iek ruak ini njauk hu dom paok pandap du lịch y tế lagaih piah mayaih khan tal tuai damuai./.