Bhap bini Cam ralo meng daok pak dom tỉnh Ninh Thuận, Bình Thuận, Đồng Nai, Bình Phước, Bình Dương, ban raya Hồ Chí Minh, Tây Ninh saong An Giang, abih tih hu jaik 150 ribau urang, sa meteh dalam dom urang nan daok pak dua tỉnh Ninh Thuận saong Bình Thuận. Yaok thun, rai diuk di mikva Cam hu salih bahrau jang saong daok angaok jalan cakrok patagok. Nan lac kayua hu bruk sangka di Đảng saong Karja tapa ralo jalan ba, sarak, danak dak brei ka bhap bani bangsa takik. Hatai jia di bhap bani tame bruk pal akaok di Đảng dak harei dak khang kajap, tuk halei jeng jia tame saong caong mong pak  Nyaom roya pakat negar mbang ini.

Dom harei ini, gam haong bhap bani dalam negar, bhap bani Cam Nam bộ daok chreih chai uan raok Nyaom roya Đảng pakat negar  mbang ka 12. Dalam bui sambai nan, bhap bani labik ini daok uan tabuan  ka bruk cakrok patagok kinh tế, mek ralo jak jeng dalam bruk patruh eik patrun kathaot. Sa dalam dom jak jeng prong di thun 2015 nan lac dom tỉnh: Ninh Thuận, Bình Thuận, Đồng Nai, ban raya Hồ Chí Minh, Bình Phước, Bình Dương,Tây Ninh, Long An, Bà Rịa - Vũng Tàu saong An Giang hu patruh kathaot ka labaih 28.000 baoh sang urang Cam kathaot, ralo baoh sang hu  yam tagok jeng kaya meda, abih di nyu nan lac di Bal raya Hồ Chí Minh oh daok baoh sang kathaot tui tanut chuẩn negar, patagok jien mek tame ka bhap bani. Hu jak jeng dalam bruk patruh eik patrun kathaot, patagok kinh tế di bhum urang Cam Nam bộ nan, meng hu dom sarak di Đảng, Karja brei ka bhum urang Cam patagok hu kein laba.

          Nhiệm kỳ tapa, Đảng saong Karja drei hu patabiak ralo sarak piah jhul patagok kinh tế - xã hội bhum kinh tế kan kandah, bhum urang bangsa Cam Nam bộ nao tagok. Meng nan, baoh sang kathaot bangsa Cam dalam bhum yaok thun trun meng 1tal 2,4%, tal urak ini baoh sang kathaot dalam bhap bani Cam daok 5% min. Cambaih laih nan lac: Danak dak patagok kinh tế xã hội di bhum biak kan kandah, bhum urang bangsa takik, daok iew lac danak dak 135; Chỉ thị 06 ka bruk jhul patagok kinh tế -xã hội, khik kajap an ninh trật tự bhum bhap bani Cam; Quyết định ka 102, daong tapak ka urang kathaot daok di bhum kan kandah… ngan haong phun jien yaok Ribau tỷ đồng hu ngak ka mbaok meta palei pala, rai diuk di urang Cam patagok mboh di anek meta saong lac sa dalam dom bangsa hu rai diuk trei sil.

Tukvak tapa, piah palaghaih ka manuac urang hu bruk ngak saong patagok jien mek tame, Đảng saong Karja hu Đề án “pato bruk ngak ka urang ngak palei pala tal thun 2020” tui Quyết định 1956, ba bruk ngak, patagok jien mek tame ka yaok pluh ribau urang ngak bangsa Cam. Oh lac tok sangka tal rai diuk kinh tế, dom bruk ngak meng kan di urang Cam hu Karja buh tame yaok Pluh tỷ đồng piah pasiam veik, khik ramik, patagok pambuak saong bruk du lịch cộng đồng.

Dom salih bahrau biak siam di bhum urang Cam tukvak tapa brei mboh lac, dom sarak di Đảng, Karja brei ka bhum urang Cam patagok hu jak jeng siam mekre. Gam haong dom bangsa karei dalam negar, bhap bani Cam Nam bộ daok pamaong tal Nyaom roya pakat negar mbang ka 12 di Đảng saong hatai jia tame pren khang, trí tuệ, bản lĩnh chính trị saong trách nhiệm di Đảng anak vận mệnh di taneh aia; caong lac nyaom roya mbang ini meda palih ruah tabiak dom urang hu đức, hu tài pal akaok, ba jalan piah dak padang Đảng dak harei dak hacih sa-at, khang kajap, ba taneh aia yam tame vaktu cakrok patagok bahrau./.