HĐ bhap bini tỉnh Bình Dương pasang iek  danak dak padang ngak di TP Thuận An

Oh ka tuk halei bruk ngak suan hukum ka taneh rija nyu pandiak yau tuk vak tapa, nyu kandong veik dui atah, mboh di anak meta yau daok pa-pandik menuac sia. Pagap yau bruk  500 biệt thự padang oh hu adat di pasak ban Biên Hòa, Đồng Nai; bruk krong ribong di  Bình Dương daok njauk urang lih mek piah padang nhà hàng, labik ngak ndam lakhah labaih  3 thun ni mai bo oh thei thau tal; atau angaok xã đảo Long Sơn hu labaih 90 danak dak suan hukum min jiak di ni karja ban.Vũng Tàu meng langyah… Tui rilo  cử tri, bruk langyah dom bruk ngak suan ni  yau Yuan lac “bắt cóc bỏ đĩa” kayua hukum ka taneh rija dok rilo labik huan, karja rilo labik ka oh ngak khang song abih di nyu nan lac oh ka mboh hu bruk pasang iek di  HĐ bhap bini  di dom tỉnh ban. Cử tri Nguyễn Thị Thu Hương, phường 8, ban Vũng Tàu, lac: “Tuk vak tapa, ban  Vũng Tàu langyah urang dang akaok dom puk palei caik rah tabiak bruk  padang ngak suan hukum, pandar taneh oh rilo song kurang  ngak catang. Thành ủy Vũng Tàu ba asal kadha ni tame sarak piah peih ngak, tui hulin mboh jeng njauk ba bruk ni tame pasang iek tuk vak anak tal”.

Dut song dahlau deih, bruk pasang iek di HĐND dom pakat di puk palei vaktu ni hu rilo salih bahrau. Urang  HĐND di dom tỉnh ban yau: Bình Dương, Bà Rịa-Vũng Tàu samar peih bruk pasang iek, duah thau, mboh hu dom bruk tamuh tabiak piah ba tabiak jalan ngak pasiam veik. Bruk tangi sua di dom mbang nyaom HĐND jeng ba tabiak hu rilo bruk pandiak, pambuak pagam tal  quyền, kein lagaih di bhap bini. Min, urak ni bruk pasang iek dok hu dom tavak tavaiy, nan lac dok huac hatai gauk; bruk tui iek hadei di tuk hu panuac ieu ngak oh ka tal labik tal dhua… Piah ka bruk ni tame dalam rai duik, siam lagaih, tui ong Nguyễn Hữu Lộc, Phaok akaok HĐND huyện Xuyên Mộc, tỉnh Bà Rịa – Vũng Tàu, brei caik tuk vak  ka  cử tri ndom biai, brei thau caik hatai tui pang hatai khin di cử tri, meng nan piah langyah bruk tal labik tal dhua: “Brei mboh hu labik dang, bruk ngak di urang HĐND. Brei ba kein laba di  cử tri tagok angaok di abih, urang HĐND meng hu ginup hatai khang piah ndom puac. Tuk batabiak bruk di dom mbang nyaom ye brei tacei tabiak hu hatai khin di  cử tri meng ba tabiak hu dom bruk pasang iek piah ba tabiak dalam mbang nyaom , meng nan HĐND meng pasang iek asal kadha batabiak bruk pasang iek”.

Rilo panuac ndom lac bruk rilo urang ngak bruk karei gam ngak HĐND jeng ba tal tavak tavaiy  dalam bruk pasang iek . Tiến sĩ Đinh Đức Duy- Phaok akaok khoa iek gah khoa Karja song hukum, sang bac Chính trị tỉnh Bình Dương ndom lac, HĐND njauk roh duah, salih bahrau jalan ngak tui jalan nao jaik haong bruk di anak meta, kak kajap haong hatai sahneng, cong khin di cử tri; paglong bruk ngak di urang HĐND:“Patagok urang ngak sa bruk HĐND. Biak di nyu bruk ngak biak rilo, urang brei pataom tame bruk chuyên môn ,nan ye oh hu tuk vak roh duah dalam, duah thau cambaih piah batabiak  dom panuac tham mưu, dom jalan caong ngak. Yaok sa bruk jeng hu jalan mong rilo gah meng hu siam lagaih, hu hadah jang, cambaih jang”.

Meng bruk ngak bo bhap bini jao brei, yaok urang HĐND eng drei brei pasram megru, paglong ilamu pasang iek, rik dong prong, patagok siam lagaih bruk ngak di  HĐND, njauk lac  jabat  quyền lực karja, jabat lambaok ka hatung hatian song hatai khin di cử tri di bhap bini./.

Urang lang: Jasi  8/4/2021