Bhap bini urang Chăm di NT urak ini hu 7 mô hình tự quản ka an ninh trật tự nan lac: but pajaih tự quản, tổ hòa giải, kapul dân phòng, klup kapul urang kamei oh ngak sung adat hukum… daok ngak bruk hu kein lagaih. Eng mô hình but pajaih tự quản, bhum urang Chăm tỉnh ini hu 249 but pajaih meng kan. Taphia di nan, dom urang pan bruk agama, taha palei, akaok but pajaih di NT daok patagok labik dang di drei dalam bruk khik kajap an ninh trật tự.

Meng angan je saong trách nhiệm di drei, urang hu angan je di dom palei chăm hu jak ba bhap bini, anek kamuan ngak siam sarak di Đảng, hukum di karja, dom adat cambat di puk palei. Amuk Châu Thị Đông, akaok chi hội urang praong thun palei Phú Nhuận, xã Phước Thuận, huyện Ninh Phước, lac sa kreih camin urang praong thun hu mbaok tame khik ramik trật tự palei, lanyah ba brei siam hu dom bruk kandah gauk dalam bhap bini, jak ba anek kamuan nao nghĩa vụ quân sự, pasiam anek kamuan daok me-in me-uac. Amuk Châu Thị Đông lac:

Sap Chăm:

Dom thun tapa, di bhum urang Chăm NT, dom urang pan bruk agama Bani, Balamon, Islam bhian kham merat ba tangin tame saong karja, mặt trận, dom kapul nyaom pathau khan jalan ngak, sarak di đảng, hukum di karja tal bhap bini, jak ba bhap bini khik ramik saong patagok yaom glaong ilamu meng kan siam mekre di bangsa, taih klaak dom adat oh siam, abih di nyu nan lac bruk taong abih bhap bini jum pataom dak padang rai diuk ilamu di labik daok, hu mbaok tame khik caga an ninh negar saong padang ngak palei pala barau. Ong Nguyễn Văn Công – sa urang pan bruk agama palei An Nhơn, xã Xuân Hải, huyện Ninh Hải, lac sa dalam dom urang hadah krah, hu dom rik daong praong dalam bruk khik ramik an ninh trật tự di puk palei, lac:

 Sap Chăm:

Meng jaik 100 urang hu angan je dalam bhap bini, tuk halei jeng lac kapul ba akaok nao dahlau saong hu yaom glaong dalam bruk rik daong tame dak padang saong patagok kinh tế - xã hội bhum urang bangsa chăm, patuh eik patrun kathaot, rik daong paglaong rai diuk mbang ngui, daok dang, patagok bruk jum pataom taong abih bangsa. Ong Thành Chiểu, akaok mBan bangsa dalam Hội đồng bhap bini tỉnh Ninh Thuận daok brei thau lac:

Sap Chăm:

Angaok nan tok lac dom kreih camin hadah dalam biak ralo urang pan bruk agama, taha palei, akaok palei, akaok but pajaih di tỉnh NT. Dom urang nan, lac dom urang hu angan je dalam bhap bini daok harei melam ba abih pren yava di drei gam saong bhap bini dom bangsa dalam tỉnh khik caga sron mbon ka rai diuk bhap bini./.