Ia caiy that ieu lac sa janih ia manyum bhian brei ka manuac urang jeng ye janih ia manyum biak siam lagaih brei patrun men glaong. Kayua dalam caiy hu ralo janih caga oxy mbang, daong caga hu janih ba ruak hatai tame rup.

Caiy that daong patrun hu lamek dalam gan meng bruk caga ka pruac takik njuk ia lamek, gam tui di nan brei caga lamek ndam dalam gan nyu lac asal patagok men gan.

Mai meng hu yau nan, bruk manyum ia caiy bhian harei oh sa janih daong patrun men gan, blaoh daok caga prein khang ka hala gan. Min njauk caik hatai manyum ia caiy brei ka lagaih, mayah mayum ralo nyu mada kan si ndih, pandik akaok kayua caiy hu ralo caffein.

Ia nhân trần ieu lac sa janih ia bhian manyum, dalam ia nhân trần hu janih ia pacang oxy mbang hu ralo janih caga hu ruak lagah ruak pandiak. Dom janih caga ia oxy mbang di dalam nhân trần daok caga – daong caga ruak saradang saong caga ruak ung thư gan.

Ia li-u daok thau lac sa janih ia manyum hu di dalam langik alam, pabak ralo ia, kaya khoáng ka rup pabhap. Bruk ini daong ka gan siam jang jeng ye ia li-u daok caga anek ruak vi khuẩn, daong pasiam kaya jao ba dalam rup, pachreih caga jit ka mbang huak dalam pruac dalam tung atau ye dalam roh duah jeng mboh ia li-u daok ieu lac sa janih manyum biak siam ka gan. Janih ia manyum ini hu ralo vitamin, kaya khoáng ngak la-an gan, siam ka jalan nao mai brei ka arak ring ralo darah dalam rup pabhap, ngak ka gan ngak bruk siam jang.

Ia li-u daok daong patrun hu cholesterol dalam darah, caga hu brei cadu baoh hatai ndam ia lamek mboh di mata. Gam tui di nan, manyum ia li-u bhian mada daong tathuak nerak, ia mek dalam rup tabiak. Min mayah thei hu ruak gan njauk lakau panuac khan di gru jru atau urang ilimo gah mbang huak dalau si mbang mayum nyu.

Ia kruac aik mada daong brei ka cadu men gan saong siam gheih kalik kayua kruac aik hu ralo vitamin C, daong caga hatai klah di ruak kayua oxy mbang (cholesterol, labaih mamek, ia mek, ia nerak, dhun mun, v.vv…).

 Vitamin C dalam baoh kruac pachreih rup pabhap manek tabiak collagen piah daong gam pasiam gan gam ngak ka kalik gheih. Njauk caik hatai, mada lac ia kruac aik siam ka gan, min tuk lai ia kruac, gauk yut juai buh saradang putih. Kayua saradang taong kayah glucose dalam gan saong ralo glucose mada ngak ka men gan tagok glaong. Patui di nan, drei salih brei ia hani jal kaow atau meng saradang mbang kiêng caga piah khik siam gan.

Ia papait baoh kruac bung jeng yau ye ia kruac aik, hu ralo vitamin C yau nan ye daong ka urang patrun hu ia men gan. Dalam baoh kruac bung daok hu ia caga oxy mbang, daong pachreih baoh hatai brei ia mek jeng janih mada tathuak tapa ia ma-ik, meng di nan daong patrun pandiak saong cadu ia men gan.

Ia baoh kruac jeng daong hu cadu men gan glaong kayua hu ralo vitamin C, daong pacang dua janih ia mek, saradang saong ia lamek oh khik karo laik trun trak damak di gan.

Langiu di ia papait hu bau meng blaoh, mikva abih gauk njauk manyum ganap ia meng 1.5 – 2 lít ia haling cih yaok harei mada daong cadu trun hu men gan glaong saong pasiam prein yava. Kayua ia daong ka gan haling tathuak ia nerak saong tathuak abih dom ia mek mai meng nyu tame rup kayua drei mbang manyum nyuk hit atau luk di kalik. Kayua hu yau nan, ia brei cadu ka gan  saong daong siam ka bruk ngak di gan./.