1. Kein lagaih di ia hani ka urang brei darah

Bruk di ia dalko pambuak tal rup pabhap tui dom jalan karei gauk patui tame bruk anek manuac manyum nyu. Menyum ia dalko ia hani hlai haong ia pandao brei hu lagaih siam daong pachreih ngak tabiak hong cau dalam darah. Hong cau rilo meng lac taduan bruk ba oxy dalam darah nao tal dom labik karei gauk di rup pabhap. Ia pandao saong ia dalko ngak tagok nong do sac to dalam darah, daong pasiam bruk kurang darah.

 2. Ia dalko siam jang saradang

Ia dalko hani ieu lac sa janih brei salih siam lagaih ka saradang patih, yamein min siam jang dut saong saradang. Ia dalko hani takik pambuak tal saradang dalam darah jang dut haong bruk pandar saradang patih. Ia dalko daok padang dextrin, sa janih xơ hu tinh bot. Bruk pambuak ini daong ka rup rup pabhap pasiam saradang dalam darah.

3. Ia dalko hani hu bruk pacang anek ruak saong pametai anek ruak

Menyum ia pandao hlai saong ia dalko hani yaok harei daong patagok siam dom janih pacang oxy hoa hu lagaih, pachreih tamuh tabiak prein pacang ruak saong pacang bruk di anek ruak jhak. Dalam y hoc bhap bini, sa dalam dom kein lagaih prein yava di ia dalko hani siam lagaih dom janih ruak yau ye laka, ruak jalan suak yava. Menyum ia dalko hani yaok harei daong plaih caga dom janih ruak jalan suak yava di dom urang ruak hen suyen.

4. Ia dalko hani ieu lac janih kaya mbang brei patagok prein yava

Sa dalam dom kein lagaih di ia dalko ngan saong y hoc meng kan ngak hu prein yava samar drah. Ia dalko hani tamo hu rilo janih siam ka prein yava di gah vi lượng. Ia dalko hani hu labaih 22 acid amin, 31 vitamin enzyme saong janih pacang oxy hoa.

5. Ia dalko hani daong siam lagaih ka tung pruac

Ia dalko hani daong pakurang ruak tao mbon, garak tian meng bruk lagaih tung pruac njuel. Ia dalko hani jeng hu rilo probiotic saong dom ia anek “siam mekre” daong siam ka tung pruac, ngak hu prein yava di majam pacang ruak saong patakik di ung. Dom roh duah hu duah mboh lac manyum ia dalko salih ka saradang meda ngak trun manieng dom kanjak jhak di janih mek laka kayua ndik bamao ruak dalam tung hatian. Bruk siam abih piah pacang caga saong daong jalan tung pruac lac menyum sa li ia pandao dalam yaok subuh page, tuk bahrau ndih tagok.

6. Ia dalko ia hani caga njom ruak laka kalik saong kalik akaok

Hu biak rilo kein lagaih di ia dalko hani brei ka prein yava saong kalik akaok. Sa kadha roh duah maong iek bruk di ia dalko dalam bruk taong ruak barah kalik patabiak kanjah saong tableing, dom urang ba drei tame pandar dalko hlai brai yaok harei meng bruk luk tagok labik kalik dalam 1-3 minit. Ia dalko hu khik tamo dalam 3 tuk dahlau tuk rao hacih meng ia pandao. Bruk druh mbuh di urang ruak hu mboh trun.

7. Ia dalko hani daong uranaih ndih bingi

Tui taong yaom anak meta meng dom roh duah brei thau lac ia dalko meda ngak ka uranaih ndih bingi. Patui di panuac ndom mayai di amaik ame, dom roh duah brei thau lac ia dalko ngak patrun bruk patuk di uranaih dalam malam saong daong uranaih ndih bingi jang.

8. Siam ka urang pasram pahat rup

Tui dom urang bhian pasram pahat rup, menyum ia dalko ia hani ba mai bruk pasamu ia jru siam dalam darah, pachreih ia dalam rup ngak ka rup pabhap khang kajap jang. Menyum ia pandao hlai sa sit ia dalko dalam var page dahlau tuk pasram daong rup pabhap ngak bruk siam jang dalam luac harei./.