Tui bac si Mai Trà My, Pasak baoh Than tiet nieu saong halang darah, Sang iek ruak Bạch Mai brei thau lac, katal kayua kurang baoh than oh tok lac ruak di langiu kalik blaoh nyu daok ieu lac bruk “njom nerak” meng dalam rup pabhap manuac urang. Oh takik bruk tuk nao iek ruak di pasak baoh than tiet nieu saong Halang darah blaoh mboh baoh than ruak trak.

Karei di katal kayua anek rih kaik atau di ung mai meng langik tasik – bhian mboh patrun mboh madam tuk luk jru, katal kayua kurang baoh than (katal kayua urê darah) mboh biak karei. Bac si Trà My brei thau: “urang ruak katal bhian khan bruk mboh katal hu meng di dalam, katal di mala kalik, biak kan si bom truh. Mboh ralo di nyu mbang katal bhian tamuh khang di tuk malam, ngak ka urang ruak katal lahik ndih suai dui atah, rup pabhap mboh kurang prein yava”

Tui dom gru urang ilamo, hu klau janih ngak kalik “katal” di kurang baoh than yau pataom janih jhak nerak dalam darak. Tuk bruk di baoh than kurang prein, dom janih yau urê, phospho oh hu tathuak tabiak, pataom dalam darah saong mô kalik, ngak pachreih akaok talei arak ngak katal.

Kalik thu trak, jeng bhian ngak ka urang ruak kurang baoh than bhian patuh ia hauk, ngak ka kalik thu, calah saong mbuan pandik jang.

Srau kadau salih pandon canxi - phospho, ngak ka labik samu gauk ini ngak kandaong calci - phosphat di kalik saong arak darah, ngak mboh mbuon si katal.

Bac si Mai Trà My pachreih kakei meyah katal gam tui barah jih mata, barak takai, pa-um kaluk kan si abih; ia me-ik oh yau bhian hu baoh blung suai brai, sambo bram, me-ik takik jang; suak yava oh yau bhian hu mbau sraong njuel atau mbau kim loai dalam pabah; glaih glar dui atah, kalik kurang samo bar, lahik ndih, oh pataom tame hu ka sa bruk… njauk brei nao tal labik y te piah hu pasang iek ruak, piah hu dokter pato kakei dil samu.

Di angaok jalan taong iek ruak saong pasang iek katal kalik kayua ruak kurang baoh than, urang ruak brei caik hatai khik raong pandao di kalik yaok harei meng dom kaya brei siam ka kalik, oh mbau hagait.

Khik tani tanat bruk mbang huak ka lagaih, patakik mbang dom kaya mbang menyum yau ye ia tasau, asar, ia yamein hu gas. Dut Pasang iek darah tui masa tuk wak hu brei piah tui iek glang baoh than.

Mikva juai ta-eng drei pandar jru gha hareih kayau hala, juai njuk pakao hala oh hu gok hu gha, juai menei ia biak pandiak kayua mbuan ngak ka kalik nyu thu saong katal trak jang atau garao rilo ngak mbaih saluah, patagok bruk mbuan njom anek ruak di angaok kalik. Rilo urang ruak kayua oh caik hatai tal atau ta-eng taong ruak oh njauk ngak ka ruak tamuh ndik drah samar jeng trak.

Tui bac si Trà My, katal kayua suy than ieu lac janih ruak ngak biak kan si bom truh, ngak kan kandah tal raidiuk daok dang di manuac urang. Min, urak ini Sang iek ruak Bạch Mai hu peih rilo ilamo ky thuat bahrau hadah krah daong siam lagaih brei ka janih ruak baoh than ini. Tuk tamuh katal dui atah oh thau meng halei mai, manuac urang iek bisa bhian blaoh njauk nao pasang iek ruak brei aval piah duah mboh ruak jeng ye taong padam ruak dil samu./.