Yaom lac biak jar var haong bruk di sa Bí Thư Đảng ủy xã Phước Hà, huyện Thuận Nam, tỉnh Ninh Thuận, min yaok  adit  2 mbang di beir harei jip song harei sut, hadei di tuk salah bruk di xã, ong Tà Thía Banh nao tal sang bac Trung học cơ sở Phước Hà  piah pato tong mã la ka anek saih Raglai di sang bac. Tuk sang bac peih bruk dak padang sang bac siam mekre, anek saih kham merat, ong Tà Thía Banh hu panuac caong sang bac ba alat ragam mã la tame pato ka dom adei. Nghệ nhân ưu tú Tà Thía Banh lac:  

 “ Hulin cong khin dom adei biak takre mã la song dom alat ragam karei karei piah khik ramik ilamu bangsa Raglai

Tuk hu karja pok brei angan Nghệ nhân ưu tú, ong mboh bruk nan oh lac ngak brei hadah mbaok meta bo dok lac trách nhiệm di rup drei. Kayau yau nan ye, dalam tuk vak pato tong mã la, ong bhain tacei ba dom adei thau ka makna di yaok kadha pandar dalam dom harei rija roya meng kan di urang Raglai. Dalam sa tuk vak katut panah, min ong  Tà Thía Banh pato hu ka dom adei 5 kadha mã la klak. Dom kadha mã la ni hadei di tuk bac, sang bac hu palih ruah piah parang eik dalam dom harei lễ kayua sang bac peih ngak. Gru Thuận Văn Lợi, Phó Hiệu trưởng sang bac  Trung học Phước Hà, Thuận Nam, Ninh Thuận brei thau: 

Nghệ nhân Tà Thía Banh biak abih hatai dalam bruk pato pakai. Pambuak bruk song sang bac peih 2 tal piah pato ka dom adei thau taong Mã la. Ngan song dom anek saih, dom adei hu thau ka alat ragam, dom adei mbuan thau, bac hu. Song bac hu lagu lagam mã la.

Tapa tal bac, dom duh hatai di ong Tà Thía Banh meng lavik mai ka bruk mbuan lihik nao alat ragam di bangsa hu hanjual nao tuk ong mboh hatai takre meng anek saih lac anek kamuan di bangsa drei. Meng labik lac tok maong iek urang prong tong mã la, main dom janih alat ragam dalam dom harei rija roya, urak ni anek saih sang bac Trung học cơ sở Phước Hà meda me-in hu dom alat ragam meng kan song tong tagok dom sap yava bingi pang, lac janih mekre njauk khik ramik dalam ilamu bangsa Raglai. Adei Tà Yên Đông, anek saih sang bac Trung học cơ sở  Phước Hà lac          

 “Hu sang bac peih tal pato mã la drei biak takre tong mã la. Hu cei Banh pato adei tong, cei pato biak abih hatai. Meng nan, adei thau ka alat ragam mã la di bangsa          

Bruk ba mã la tame pato dalam sang ba hu patoa ka dom adei hatai takre lagu lagam bhap bini bloh  kak kajap haong ilamu bangsa drei. Dom tuk bac tong mã la di sang bac hu dong ka dom dei mboh chreih hatai song anit ranam sang bac di drei. Ngan song anek saih Raglai di labik ni, yaok harei nao tal sang bac lac sa harei bui sambai. dok ngan song ong tà thía banh, tal bac pato tong mã la yau sa boh tatua piah ka dom adei mai jaik gauk jang, thau rilo jang ka ilamu raglai meng kan di bangsa drei./.