UBND tỉnh Bạc Liêu brei padeih dom rija, roya, padeih dom bruk pataom rilo manuac

Bhap bini Khmer daok grauk labik dalam dom puk di ban sit Hòa Bình, rilo abih lac di labik hu 2 baoh baha Khmer dalam ban sit Hòa Bình, baha Điền ấp Vĩnh Thạnh, xã Vĩnh Hậu saong baha Đìa Chuối, ấp Thanh Sơn, xã Vĩnh Bình. Trụ trì saong mban khik ramik dom baha peih ngak rilo bruk piah jak ba phật tử pacang caga Covid-19. Sư Tăng Rương, baha Hòa Bình Cũ, ấp thị trấn A, ban sit Hòa Bình, huyện Hòa Bình brei thau: dom ong bhik tuk taom gaok dom phật tử bhian pato tacei dom jalan khik ka rup drei, kakei yaok manuac njauk ngak catang tui dom bruk ba tabiak di karja piah khik caga prein yava ka drei, ka gauk gar saong ka rahra.

Sang amuk Huỳnh Thị Len, ấp thị trấn A1, ban sit Hòa Bình, huyện Hòa Bình pablei baoh kayau di darak pasa Hòa Bình. Dua diuk pasang taha tok pambak tame bruk pablei salih piah hu jien mbang cai. Min, meng di tuk huyện Hòa Bình hu urang dương tính haong SARS-CoV-2 camriep abih dalam rahra di tỉnh Bạc Liêu ye amuk padeih pablei daok di sang, kayua darak pasa takik pablei hu, saong kayua amuk jeng caong khin rik tame hasit ka bruk pacang caga jit, takik nao tal labik hu rilo manuac.

Dom harei tapa, palei bhian pathau khan ka bruk jit ruak daok rahtabiak sarau kadhau, kayua yau nan ye yaok manuac urang daok pak halei jeng oh iek lap bruk pacang caga jit. Mikva biak pachreih tui bruk UBND tỉnh Bạc Liêu brei padeih dom rija, roya, padeih dom bruk pataom rilo manuac. Ong Lý Ri, ấp thị trấn A1, ban sit Hòa Bình, huyện Hòa Bình brei thau: meng tuk ni, bruk njauk ngak dahlau di abih lac yaok rahra njauk paglaong hatai saneng, bruk ngak di drei, ngak catang dom bruk yau cuk pataih pacang mbaok, rao tangin pametai anek ruak, oh pataom rilo manuac saong peih ngak dom bruk pacang caga jit. Ong Lý Ri jeng hu kakei anek kamuan di drei oh nao atah meyah oh hu bruk hagait njauk nao, daok meyah hu bruk njauk tabiak langiu ye brei cuk pataih pacang mbaok, takik pataom rilo manuac... Ong jeng jak ba bhap bini dalam puk palei mayah mboh manuac mai meng bhum hu jit ye khan brei urang jakar thau chip.

Dalam tuk jit ruak Covid-19 daok rahtabiak sarau kadhau yau urak ni, taphia di bruk ba tangin tame ngak catang di pakat ủy, karja dom pakat, ye bruk paglaong akaok saneng di bhap bini bangsa dalam tỉnh Bạc Liêu saong abih di nyu nan lac dalam pasak jit huyện Hòa Bình lac sa bruk ngak hu makna biak praong piah pacang caga jit njom pambak. Bruk ba tangin, rik prein  tame di mikva haong abih hệ thống chính trị brei mboh hatai kham marat jhul kadun likuk jit ruak, ba mai saron mbon ka taong abih menuac sia./.

Urang lang: Thu Thảo – 15/06