Nguyễn Đức Thọ bac tamat Đại học xây dựng saong duah hu bruk ngak tani tanat di Ban Ine. Dahlau di ini 3 thun, tuk tame sieu thi blei paok njam yaom  glaong jang rilo dut saong njam di darak pasar, urang pablei dalam sieu thi tok meyai saong sa-ai lac njam hacih, oh tacei tabiak hu lac njam nan siam yau halei.

Urang likei nan sahaneng tal bruk likau drei tabiak truh ban ine, mai Mộc Châu piah ngak bein pala njam, saong hatai caong khin pabak ka urang blei mbang dom kaya pandap hacih sa-at tui tanut VietGap, thau cambaic nyu mai meng halei. Sa-ai Nguyễn Đức Thọ, po trang trại RASA, huyện Mộc Châu, tỉnh Sơn La  lac: "Ngak tui tanut VietGap saong brei thau asal di nyu mai meng hlei,  urang blei mbang meng sahanang hatai, kadua tra meda thau labik ngak tabiak nyu meyah hu bruk hagait rah tabiak ye thau pambuak trach nhiem."    

Meng tuk buh asar tame pala, ye bruk pruh ia atau buh khak ka yaok mbang, urang pala njam hu paoh tame mac tinh piah brei thau bruk ngak njam hacih yau halei. Tuk tal tangin urang blei, dom janih njam patam nan jeng hu  hồ sơ dữ liệu. Yaok mbang njam patam meng bein RASA pablei tabiak, jeng hu mbat dom baoh angka so karei di gauk. Tok tame Website pablei njam di nong trại dom baoh so nan, dom hagait pambuak tal bruk ngak tabiak njam nan tagok mboh abih di angaok mac tinh. Nan ye urang blei sahanang hatai pandar, yaom lac njam nyu glaong yaom jang meng 30 tal 50% dut saong njam pablei di darak oh thau mai meng halei. Ong Trần Xuân Thành, Akok jabat Ngak nong saong patagok palei pala huyen Mộc Châu, tỉnh Sơn La khan lac: "Dom công ty mai pah taneh dalam huyện saong hu buh jien tame jeng yau ilamu ky thuat ngak tabiak njam siam. Ini lac sa bruk ngak biak  kein laba, caong khin hu dom Doanh nghiep mai buh jien tame ngak mbang, huyen abih hatai pachreih tui."

Yaom lac hu 6 hecta taneh, min yaok harei trang trại RASA pabak hu labaih 40 janih njam patam, baoh karaoh ka yaok rituh labik pablei njam hacih pak di dom ban raya gah Barak negar. Meda jia lac, urang likei ngak bein tui jalan birau ini jeng yau dom ayut di gait meda peih praong veik bruk ngak trang trại bein njam patam saong dak harei dak siam jang bruk pablei njam hacih./.