Meng lavik mai, Hoàng Sang caik hatai sahneng duah jalan ngak tabiak kiak siam ka môi trường. Tapa duah thau, dom rai SV nao dahlau jeng hu ngak tabiak dom janih kiak oh cuh khik caga môi trường, min oh siam song yaom kaom oh meraik hu di angaok darak pasa. Meng nan, Sang ba tangin tame roh duah kaik oh cuh ngak meng ba-ar klaak piah nao dahlau dalam bruk padang ngak. Cemereip Sang nao pataom baar klaak di grauk labik… ba mai tram. Hadei di nan, chai sit bloh srau haong cuah, xi măng piah ngak jeng bê tông tuh kiak. 2 janih piah ngak jeng kaik oh cuh ni lac chất kết dính song cốt liệu, tui bruk pandar bo salih tỉ lệ cấp phối piah ngak tabiak kaik oh cuh tui hatai khin. Nguyễn Cao Hoàng Sang brei thau:

Piah ngak hu kiak siam yau cong khin, adei hu ngak iek biak rilo janih, piah iek kaik nyu khang yau hatai caong halei oh, bruk ngak iek hu ngak nao ngak mai rilo mbang. Adei rami ramik veik hàm lượng cấp phối piah ngak brei kiak nyu siam di abih, meng chất lượng tal yaom kaom).

Nguyễn Cao Hoàng Sang ngak hu 2 janih kaik, janih piah ngak daning pacang dalam sang song janih piah ngak daning pacang di gah langiu. 2 janih kaik nan hadei di tuk tram dalam ia sa adit oh tapaok tabiak song dok khik hu khang kajap, tuk caik angaok ging pui dalam 30 minite nyu oh mbang pui, oh khuah.

Kaik oh cuh ngak meng baar klaak ngak biak mbuan, meda ngak hu di dom xưởng ngak kaik sit, phun jien takik. Janih kaik ni biak siam ka môi trường, chịu lực, cách âm, cách nhiệt biak siam. Siam jang nan lac nyu hu ngak meng ba-ar klaak nan ye nyu hanjual. Tuk padang ngak jeng mbuan, po sang abih takik jien ngak nền móng. Thạc sỹ Phan Thế Vinh, giảng viên sang bac Đại học Kiến trúc ban raya Hồ Chí Minh brei thau:

Sang biak kham merat ngak iek di phòng thí nghiệm piah ngak ginup janih. Kiak oh cuh ni biak siam, nyu hanjul song cách âm cách nhiệt, gam pandar hu baar klaak, hu rilo kein lagaih. Patrun patakik jien ka công trình, tải trọng, urang ngak)

Kiak ini pablei yaom lap saong hu rilo kein lagaih jang 2 janih kiak oh cuh nan lackiak xi măng cốt liệu song kaik bê tông khí chưng áp, urak ni daok hu mbaok di darak pasa. Sang daok brei thau lac:

Anak tal, adei ngak ka nyu siam jang đề tài di drei piah kurhia pabak tame dom chất phụ gia saong duah hu jalan phối siam di abih ka kaik. Adei jeng cong hu sa đơn vị atau cơ sở halei nan dong ka adei pasiam janih kiak siam ka môi trường ini song patrun hu yaom phun).

    Tuk ngak rilo, kaik meng baar klaak di Nguyễn Cao Hoàng Sang dok pandar hu mùn thải di dom sang mac baar, patrun hu bruk ô nhiễm môi trường. Đề tài jeng mek hu giải Nhì, giải thưởng Sinh viên roh duah ilamu khoa học Eureka 2014 kayua Thành Đoàn ban raya Hồ Chí Minh pambuak bruk song sang bac Đại học Quốc gia peih tabiak, giải “Padang ngak khang kajap” di mbang pakacah Holcim Prize - giải thưởng brei ka dom hatai sahneng hadah krah dalam gah padang ngak, giải thưởng Loa thành thun 2014, kayua Kapul padang ngak Việt Nam, kapul Kiến trúc sư Việt Nam, Kapul dam dara Cộng sản Hồ Chí Minh pakat negar, mintri padang ngak song mintri pato megru pambuak bruk peih tabiak./.