Ndih tapui tabaik di Nam Định, ong Trần Văn Tắc, Akok Công ty TNHH takhaoh Tuấn Việt kak kajap saong bhum taneh Đông Nam bộ meng samar mesruh metak taong Mỹ. Ong hu mbaok dalam sa kapul urang lin taong tame peih paha Bai Gon di bilan 4 thun 1975.  

Mesruh metak tapa bloh, ong salih mai ngak bruk di Công ty Da Bai Gon blaoh tabiak lingiu padang cong ty di drei pak quận Tân Bình, ban raya HCM ngak taok takhaoh ka dom cong ty kalik takhaoh dalam Ban Gon ini. Thun 1994, ong salih tapa ngak dép pablei tabiak negar langiu. Kayua labik ngak sit ginik, kurang mac jamriah saong oh hu hacih sa-at moi truong yau nan ye thun 2006 ong pah taneh salih mai ngak di cụm công nghiệp, xã Phú Thạnh, huyện Nhơn Trạch, tỉnh Đồng Nai piah ngak sang mac saong salih tapa ngak takhaoh  takai katak cao su.

Labaih 30 thun ngak gah takhaoh, gaok tuk mai huac công ty oh tapa truh dom kan kandah, min meng hatai khang di urang lin gam takre ka bruk ngak bo ong hu ba công ty dang kajap saong yam tagok. Meng rilo thun ini mai, công ty Tuấn Việt ngak takhaoh ka dom angan je di dunya yau: Superga, Kappa…pablei ka labaih 40 taneh ia. Dom thun jaik di ini, jien mek tame di công ty hu 20 triệu đô la Mỹ  yaok thun. Taduan hu công nghệ  saong jalan ngak birau di gah pambuak bruk, nan ye 3 thun ini mai ong Tắc brei padang angan je di drei lac TUVI’S. Angan je nan hu Liên hiệp khoa học doanh nhân Việt Nam saong Viện Sở hữu trí tuệ dunya brei harak lac dang dalam kapul 10 angan je praong dalam thun 2015.

Abih hatai takre bruk ngak, tuk halei sahaneng duah, salih birau piah ngak tabiak hu rilo taghaok mekre, siam di abih pablei ka urang pandar dalam saong langiu negar, nan ye ong tuk halei jeng oh padeih saong dom bruk ngak hu nan. Bruk ong ba tabiak ka taghok di công ty nan lac: kajap, mekre saong siam ka urang juak nyu. Takhaok di ong hu ngak meng pandap dalam taneh ia, siam ka alam moi truong, yau: cao su, đay, kam padai, khan bai cotton… 

Ông Trần Văn Tắc sahaneng lac urang ngak nan yau drap ar praong di doanh nghiep nan ye ong biak sangka tal raidiuk di 1.500 urang ngak meng dom bruk daong brei. Abih di nyu, nan lac meng var mbang huak siam ka prein yawa tal labik ngak bruk. Ong brei thau:

 "Khin doanh nghiep dang kajap saong jak jeng khol dahlak iek praong anek manuac. Sangka tal raidiuk urang. Khol dahlak buh jien blei jamriak, ngak nhà xưởng ka lagaih piah urang ngak bruk mboh hu siam mekre salamat. Meng nan bo urang ngak hu  daong ka sang mac ngak bruk. Ka dua lac khol dahlak pataom hu dom ilamu ky thuat di dom doanh nghiep karei mai piah patagok cong ty"

Kayua yau nan ye, meng tuk padang tagok mbiah tal harei ini, cong ty oh ka rah tabiak sa bruk đình công halei. Rilo urang ngak, urang dalam cong ty iek ong yau gru, yau gauk hatian di drei. Sa-ai Hồ Thị Cẩm Nhiều, urang di Pasak kỹ thuật cong ty lac:

 "Ngak bruk saong cei Tắc dahlak bac megru hu biak rilo ilamu ka raidiuk, ka bruk ngak. Ngak bruk labik ini dahlak patagok hu siam ilamu di drei saong bac megru hu rilo kadha di ong dang kaok ini biak siam"

Lac doanh nhân nan ye ong thau lac klah rabha kein laba saong urang karei nan lac jalan ngak siam piah urang blei pandar thau tal angan je pandap di drei. Yau nan ye langiu di bruk taduan urang dalam palei tame ngak bruk di công ty piah daong urang hu bruk ngak tani tanat, ong daok kham merat hu mbaok ngak bruk pahala daong palei saong dom tỉnh ban karei. Yaok thun, cong ty ong rik jien tame daong ngak sang anit ranam saong dom bruk ngak karei di bhap bini tui yaom jien labaih 1 tỷ đồng. Ong Nguyen Van Đức, Phó Akok Uỷ ban Bhap bini xã Phú Thạnh, huyện Nhơn Trạch, tỉnh Đồng Nai brei thau: "Cong ty Tuấn Việt tuk halei jeng pambuak bruk haong xã daong ka urang sang kathaot. Yaok  thun, cong ty daong ka xã piah daong ka urang kan kathaot tuk Tết, harei 27/7, tuk le, hoi saong tuk halei jeng hu mbaok daong palei."

Gah ngak takhaok daok hu rilo kein lagaih tuk hiệp định pambuak bruk xuyên Thái Bình Dương iew lac TPP hu mbaoh tangin tame. Kayua yau nan gam saong bruk peih praong darak pasar, ong Trần Văn Tắc daok buh jien peih praong labik ngak, blei dom jamriak bahrau saong taduan rilo jang urang ngak bruk piah patagok pren ngak 2,5 triệu gu takhaok tagok tal 10 triệu gu dalam sa thun. Ong lac: ong urang ragei takhaok nan ye ong caong khin padang hu sa angan je takhaok Viet Nam oh lac dalam taneh ia bo daok par tabiak dunya./.