Huyện Vĩnh Châu lac sa bhum palei pala lisun rilo di abih dalam tỉnh Sóc Trăng, yaok thun pala hu labaih 4000 ha. Lasun ini hu pablei di dom tỉnh ban gah merong song urak ni, lac janih pandap pablei tabiak negar langiu hu yaom glong, hu dom taneh ia di dunya biak takre. Kadha “urang ngak hamu cong thau” harei ni, khol hulin hu khan tal mikva bruk ndom biai nao mai ka jalan pala lisun ba mai rilo kein laba, daa mikva saong taong abih gauk tui pang.

Piah pala lisun mek hu rilo kein liba song mek hu tanut chuẩn GAP brei buh khak yau habar?

Kumei: Lisun mek hu năng suất glong, tuk hu buh khak njauk kỹ thuật. Caga taneh, pok ro glong jang 20 cm, atah labaih 20m. Pruh jru hareik Dual Gold. Hadei di tuk pala bloh, prai pong song pruh 1kg Tricô tagok pong tuk biar harei lingik li-an. Pandar Trichoderma piah pacang bimao ruak song tuyến trùng dalam haluk. Hadei di tuk pala hu 2- 3 harei, pruh Agrispon + Sincocin piah dong ka phun anek tabiak gar song tamuh samar, gam patrun patakik tuyến trùng song bimao ruak dalam taneh.

Phun lisun hu 10 -15 harei, buh 5-10 kg Urea. 20 harei, buh 10 - 15kg NPK + 5kg Urea (meyah lisun tamuh siam jhui buh khak), tuk 30 harei buh 10 - 15kg NPK (16-16-8-13S) + 5kg Urê (meyah lisun tamuh siam jhui buh khak), 40 harei nan lac tuk lisun tabiak boh, njauk pruh 10 - 15kg NPK, 10kg Kali. Tuk 50 harei, pruh 10 - 15 kg NPK, 10kg Kali, meyah lisun tamuh siam oh brei buh khak mbang ni. Tuk lisun pala hu 60-70 harei, brei takik pruh ia.

Yau nan piah palaih dom janih halak di  phun lisun brei ngak  hagait?

Kumei: Njauk sangka tal dom janih halak yau halak mbang hala pacang caga meng bruk duah rui meboh di angaok hala meng mbang camereip song pruh dom janih jru yau: Tinh dầu tỏi, jru Kuraba, hỗn hợp Crymax + Abamectin...Halak mbang tạp cakak klak sruh boh song pruh jru đặc trị chip meng mbang camereip piah patrun patakik halak, ruak nhện patih (pruh talei jru ikan + commite; Dibarote) halak mbang boh lisun pruh sa dalam dom janih jru Crymax, Xentari, Bitadin.

Dom janih ruak palai pajoa yau đốm vòng (pruh Ditacin 8L; Trichoderma), bruk boh (pandar Kasuran, Kasumil, Canthomil, Cuprymicin)... Pruh jru pacang atau tuk ruak bahrau tamuh tabiak. Njauk pruh dahlau jru sinh học, meyah halak kan pacang atau hu rilo, njauk pruh pabak jru hóa học hu tacei brei pandar di Mintri ngak nong song patagok palei pala song pruh tui tukvak paatah jru./.