Urang ngak ikan uan tabuan kayua hu karja ba mbuan lagaih piah tabiak tasik.

Piah lang talaih dom tavak tavaiy saong ba mbuan lagaih ka urang ngak ikan mesraiy jien gilang pariak patagok bruk ngak ikan, harei 7.10.2015, rajaei hu tabiak Nghị định 89 pasiam pabak dom paka di Nghị định 67 ka dom sarak patagok kaya ikan. Meyah Nghị định 67 hu maong lac pachreih patagok ka urang ngak ikan, ye Nghị định 89 ba mai chreih chrai jang ka urang ngak ikan tuk karja dui atah tukvak jang bruk daong jien jhung saong daong taong abih jien blei bảo hiểm tai nạn ka yaok urang ngak bruk angaok kapal  taong chap kaya ikan di tasik atah, kapal dịch vụ hậu cần hải sản atah tasik. Kadha vak di urang pambuak bruk Văn Cảnh saong Hoài Hương hu ndom tal bruk nan.

Dom harei tapa, sang urang ngak ikan Dương Văn Thanh daok pak khu phố 9, phường Mỹ Đông ban sit Phan Rang - Tháp Chàm bui sambai lô, kayua hu Gilang pariak ngak nong – patagok palei pala brei mesraiy jien tui Nghị định 67 piah ngak kapal Dịch vụ hậu cần bruk ngak ikan, kanduh thép, hu pren khang 830 mã lực, saong yaom jien labaih 16 tỷ đồng. Bruk chreih bui ini hu pabak jang rilo mbang tuk Nghị định 89 di rajaei barau tabiak hu pasiam, pabak dom paka di Nghị định 67 ka sarak patagok bruk ngak ikan, brei adat dui atah jien daong jien jhung tagok 16 thun, rilo jang 5 thun duk saong Nghị định 67. Tui Nghị định 89, sang saai Thanh hu karja daong pabak jien jhung jaik 2 tỷ đồng. Saai Thanh brei thau : “Urak ini kapal di sang ngak hu meteh paje, tui kuhria bilan 12 tal meda tabiak tasik ”

Nghị định 89 di rajaei pasiam pabak dom paka di Nghị định 67 ka “dom sarak patagok kaya ikan” tacei lac, meyah ngak barau kapal kanduh thép, kanduh kapal barau hu pren khang meng 800 mã lực tagok, po kapal hu mesraiy jien rilo di abih 95% yaom jien ngak kapal barau saong yaom jien jhung 7% /sa thu, dalam nan, po kapal bayan 1%/sa thun, kadung jien karja pabak tame 6%/sa thun. Tukvak daong jien jhung lac 16 thun, hu daong taong abih yaom jien blei bảo hiểm tai nạn ka urang nao gilai ngak bruk di angaook kapal saong 90% jien blei bảo hiểm ka kapal hu pren khang meng 400CV tagok…Meyah ramik pasiam mac kapal meda pandar mac barau atau mac hu pandar blaoh tui quy định. Ông Khu Văn Sơn – akaok kapul urang nong, urang ngak ikan phường Mỹ Đông, ban sit Phan Rang –Tháp Chàm- tinh Ninh Thuận brei thau :“ Nghị định 89 ini peih praong ka mikva urang ngak ikan,  quyền lợi hu tagok, cambaih laih brei dui atah tukvak daong jien jhung tal 16 thun, ka dua lac daong taong abih mẫu thiết kế ini lac bruk barau di Nghị định 89 ba mbuan lagaih ka urang ngak ikan ”

Ông Nguyễn Duy Hưng – akaok phòng Tín dụng, gilang pariak ngak nong – patagok palei pala Ninh Thuận khan lac“Mbuan lagaih cambaih laih jang. Mikva urang ngak ikan Ninh Thuận livik mai daok suh sah, nan lac pandar mac klak dalam bruk pasiam kapal mac hu pren khang ala 400 CV saong meng 400 CV tagok, urak ini, Nghị định 89 hu salih tukvak brei mesraiy kapal kanduh thép saong kapal vật liệu barau lac tukavk daong jien jhung  dui atah lac 16 thun”

Tui bruk yau urak ini, abih di nyu nan lac ikan jaik takai tasik njauk urang taong chap jaik abih, bruk ngak barau kapal công suất praong piag tabiak taong ikan di kreh tasik atah lac bruk caong hu di urang ngak ikan.  Nghị định 67 ka dom sarak patagok kaya ikan hu tabiak rai, patui di nan lac Nghị định 89 barau tabiak, ba mbuan lagaih jang ka urang ngak ikan, daong ka urang ngak ikan Ninh Thuận hu mesraiy phun jien di karja piah ngak barau kapal công suất praong tabiak tasik atah taong cap kaya ikan, rik daong khik caga chủ quyền tasik pulao di negar ./.