Bruk bac bruk ngak oh abih jien jeng ka oh pachreih hu urang ngak lahik bruk ngak

Puac bilan 3, Vũ Thanh Hà, umo 22 thun, nao tal pasak bruk ngak ban raya HCM ngak harak gar mbang jien daong oh hu bruk ngak. Hadei di 4 thun ngak bruk di sang mac daok di Bình Dương, puac thun blaoh urang kumei ngak kong nhan ini ngak harak likau padeih bruk, tagok Sài Gòn nao bac bruk ngak piah hu jalan duah bruk ngak birau. Pasak yaih khan bruk ngak hu yaih khan ka saai dom bruk ngak yau ye jhik khan aw, ngak ahar, ngak mbang huak.... Min, tuk iek danak dak pato, Hà mboh oh lagaih. Kayua yau nan ye saai pandar abih jien patak pataom hu lac 20 triệu đồng bac bruk thaot binguk di quận Bình Thạnh. Thanh Hà lac sa dalam yaok rituh ribau urang ngak labik bruk ngak di dalam negar oh tame dom tal pato bruk ngak oh abih jien.

Tui yaok pataom, thun 2020 ban raya HCM hu labaih 195.000 urang hu taduan paok jien daong urang lahik bruk ngak min bahrau hu jaik 7.000 urang tut angan bac bruk ngak. Bình Dương hu labaih 102.000 urang lahik bruk min bahrau hu jaik 3.000 urang caong bac bruk. Tui jabat bảo hiểm xã hội brei thau, dalam labaih sa triệu urang mbang jien daong lahik bruk ngak di dalam negar, hu jaik 16.000 urang caong bac piah salih bruk ngak.

 Langyah ka bruk urang lahik bruk takik caik hatai tal bruk bac bruk oh abih jien, ong Ngô Xuân Liễu, Yam ndok pasak dịch vụ negar ka bruk ngak (Cục bruk ngak, mintri LĐTHXH) brei thau bruk pato pakai bruk ngak ka oh pachreih urang ngak. Dom labik daok pato dom bruk ka oh lagaih haong bruk daok caong hu urang ngak. Langiu di nan, ngan haong dom urang ngak hu ilamo glaong, tuk lahik bruk urang caong bac tal ilamo samu  trung cấp, cao đẳng ye dom tal pato brei saoh ka oh pabak hu.

Muk Lê Thị Kiều Phượng, Yam ndok pasak dịch vụ bruk ngak TP HCM ndom lac quy định bac bruk ngak oh tapa 6 bilan lac kan piah pato bruk ngak tame dalam. Kayua lac dalam tukvak yau nan bruk pato bruk ngak lac di tanut sơ cấp, nan lac ilamo di urang bac tuk tamat blaoh oh samu urang ngak thau cambaih bruk hu nao ngak sa thun. Dom makna ni gam haong pandap panda di dom sang pato bruk ngak daok takik, danak dak ka oh hu rilo nan ye ngak ka bruk pato bruk ngak oh tui samu bruk caong khin di darak pasa urang ngak.

Daok gah pilih ruah manuac ngak, muk Nguyễn Thị Liên, Phaok TGĐ Cty cổ phần dunya Phong Phú (ban Thủ Đức) brei thau, urak ni dom bruk hu pato lac di tanut sơ cấp. Dalam tuk tok hu sa thun ngak bruk di doanh nghiệp, ilamo ngak bruk di urang ngak hu taong yaom glaong jang dut saong bruk pato pakai bruk ngak sơ cấp. Bruk ni ngak ka bruk pato bruk ngak meda lac oh daong hu ka urang ngak paglaong ilamo.

Piah ka bruk pato bruk ngak ba mai kein laba, muk Kiều Ngọc Hoa, Yam ndoc nhân sự di Công ty TNHH Samsung (labik công nghệ glaong di ban Thủ Đức) hu panuac caong, njauk pambuak pasak dịch vụ bruk ngak haong doanh nghiệp. Tui nan, salih ka bruk bac di dom pasak pato bruk ngak, urang bac bruk meda hu pato tacei di dom doanh nghiệp hu caong pilih ruah, di mangaok dom  thiết bị, jamriak bahrau. Hadei di tuk salah mbang bac, doanh nghiệp meda taduan dom urang bac naih gheih.

Bahrau ini tui sarak di rajaei, meng harei 15/5, urang lahik bruk meda hu tagok jien daong bac bruk, meng sa triệu đồng tagok 1 triệu meteh yaok bilan. Ngan haong dom urang bac ala 3 bilan, yaom daong kuhria tui jien bac di sang bac pato bruk ngak saong tukvak bac, rilo abih oh tapa 4 triệu meteh yaok khóa. Ngan haong urang bac 3-6 bilan, yaom daong kuhria tui bilan, jien bac saong tukvak nao bac, min oh tapa 1 triệu meteh sa bilan.

Tui Mintri LĐTB-XH, bruk parabha dua paoh bac bruk yau nan meda pabak hu hatai caong di urang lahik bruk. Kayua urang ngak bruk phổ thông jeng caong mai ngak veik dalam tukvak katut panak anak tal. Ngan haong paoh bac ala 6 bilan meda pabak hu hatai caong salih bruk ka urang khin hu pato pakai glaong./.

Urang lang: Thu Thảo – 14/03