Tui nan, tukvak peih ngak bruk ngak ini hu peih tabiak dalam 3 bilan (meng bilan 10 tal bilan 12/2022). Dom baoh sang hu mbaok tame bruk ini hu Karja daong 50% jien blei phôi pajaih, 40% jien vật tư pala bimao saong urang pala buh tabiak binah jien daok veik (phôi pajaih, vật tư) tui định mức. Dalam nan, yaom jien buh tame ngak ka 40 m2 hu phôi pajaih, kệ caik phôi, pandap duk iek nhiệt saong ẩm điện tử, mac ngak ẩm, quạt hút, mac la-ar… hu Karja daong labaih 38 triệu đồng saong baoh sang rik tame 44 triệu đồng.

Tui amuk Phạm Thị Bích Thơm – Akaok Pasak Ilamu saong Dịch vụ ngak nong TP. Phan Thiết, meng hàm lượng dinh dưỡng samu haong bimao mbong, bimao juk meda pala dalam nhiệt độ saong  độ ẩm laghaih. 

Sang peih ngak bruk ini, lac amuk Nguyễn Hồ Mai Linh (phường Phú Tài). Meng akaok bilan 10/2022, Pasak hu jao phôi pajaih bimao juk saong dom vật tư pala bimao tui njauk haong yaom jien kuhria dahlau ka baoh sang. Hadei di nan, baoh sang ba phôi pajaih tame sang pala bimao saong ba caik tagok kệ. Urang jaka mong iek bruk ngak ini yaok 2 mbang sa bilan mai mong iek, pasang mong, tacei pato ilamu mong iek bimao juk ka baoh sang urang nong peih ngak bruk ini.

Hadei di tuk taduan mek hu phôi pajaih saong dom vật tư pala bimao, baoh sang urang nong peih ngak bruk ini hu ba caik phôi pajaih tagok kệ, mong iek  phôi pajaih.

Hadei di jaik 1 bilan, tơ bimao mbong hu pambak tabiak jaik 80% bịch phôi pajaih. Tuk ini mikva pok tanuak, buh mùn cưa, ngak brei ka nyu hu độ ẩm cang bimao tabiak baoh. 2 bilan hadei di pala, phôi bimao juk hu brei tabiak baoh bimao. Hadei di 3 bilan pala, sản lượng bimao juk hu tagok dut haong bilan dahlau, kuhria rah tapa yaok harei paik hu jaik 4,5 kg. 

Sản lượng bimao janih 1 mek hu jaik 75%. Tui yaom pablei janih 1 lac 220.000 đồng/kg, janih 3 lac 100.000 đồng/kg, tui kuhria, hadei di 6 bilan pala, kein laba hadei di kaoh abih jien buh tame ngak duah hu jaik 15 triệu đồng di mangaok 40m2.

Tui taong yaom di pasak, bruk pala bimao juk mek hu kein laba. Phôi bimao juk siam, mong iek njauk ilamu nan ye phôi bimao oh njaom mbak ruak, rup bimao prong vin, sambo màu mbong sạm juk hasit, nduan bimao sambo màu nâu juk, njauk haong chuẩn pajaih bimao juk. 

Tapa nan brei mboh bruk pala baoh bimao juk meda pambak prong hu. Yau nan min, tuk mikva ngak sang pala bimao njauk padang ngak ka nyu sil, dak sup dak siam ka bimao praong tagok, hu ginup abih pandap điều khiển nhiệt độ saong độ ẩm laghaih ka bimao juk praong siam. Phôi pajaih, njauk palih ruah duah blei di dom labik hu angan je piah khik kajap chất lượng pajaih. Bimao hadei di tuk kaoh mek blaoh njauk karaoh kanduh di takai bimao piah ka nyu hacih mùn cưa, tapok ba-ar blaoh piah dalam ngăn mát tu la-ar.

Bimao juk hu yaom kinh tế glaong. Kein laba meng bruk ngak ini hu daong ka bhap bani hu pabak dom janih phun pala bahrau meda ba tame pandar ngak di puk palei./.