Dom harei ini, kapul urang jakar gah binek ia kraong ribaong di dom tinh Pai Tay Nam Bo daok trun dom labik pacang caga njom ia mbak, labik bhian rah tabiak bruk nan, bhum pala drak piah pasang iek, taong yaom tani tanat dom kanjah jhak di bruk njom ia mbak di dalam bhum taneh ini. 

Ngak tui Harak di Thu tuong Rajaei, gah Ngak nong saong Patagok Palei pala hu pok brei thau ka UB Bhap bini ba tabiak bruk saong jalan langyah pato tacei pacang caga pandiak bhang, kurang ia saong njom ia mbak, khik kajap halau ia duh ka bruk pala drak saong ia pandar ka rahra daloam bilan thu thun ini. Bhian brei caik hatai pasang iek braong ia dalam puk bhum, tapa nan ngak samar chip dom bruk njom ia mbak saong hu jalan pasiam dil samu.

Tui bruk khan brei thau di Vien Khoa hoc Kraong ribaong gah Meraong, gah kraong Mekong, dalam nan hu Bhum taneran kraong Cuu Long daok ralo kanjah jhak di bruk La Nina saong kuhria brei thau lac patui veik kanjah jhak tal bilan 3/2025, hadei di nan meda salih tapa ENSO trung tinh. Cambaih laih lac, njom ia mbak di dom pabah kraong Bhum taneran kraong Cuu Long meng akaok bilan thu tal ini mboh daok biar jang dut rilo thun dalau, daok kraong Cổ Chiên saong Kraong Hậu ye njom ia mbak rah tabiak glaong jang dut haong di rilo thun dalau. Di kraong Cái Lớn, kraong Cái Bé, dom danak dak hu ba tame pandar yau nan ye bruk njom ia mbak hu caik hatai pasang iek saong pacang caga hu. Daok di bhum dua kraong Vàm Cỏ njom ia mbak meda dui atah tapa bilan 4/2025 meyah oh hu hajan.

Kuk binek ia Kraong ribaong, Mentri Ngak nong saong Alam langik pachreih dom puk palei bhum Taneran kraong Cuu Long brei patui bruk caik hatai pasang iek tani tanat bruk rah tabiak di alam langik, halau ia, njom ia mbak dalam dom khau tin kuhria brei thau di dom jabat ngak bruk piah hu jalan langyah pasang iek halau ia siam lagaih, peih bruk ngak lagaih ka danak dak kraong ribaong binek ia piah samar drah mek ia tuk tanut mbak daok pandar hu piah patagok bruk pataom khik piah ia tame hamu meng tukvak ini tuk tanut mbak di kraong daok biar.

Tuk mek ia tuh pruh ka phun pala, rilo meng lac labik pala phun mbang baoh brei caik hatai pasang iek tanut mbak di ia kraong. Gam tui di, caik hatai pasang iek taneh bein phun mbang baoh saong bein pajaih phun mbang baoh, samar drah pacang caga haong tukvak njom ia mbak tagok glaong, pandar takik abih pandap yau ye pong, hareik thu, hala thu, njam hang… atau blah me-om brei ka gah ngak nong piah me-om takai piah khik tathah ka phun; cakak dhan, ngak thaik thaot lagaih, cakak coh bangu piah patakik bruk tathuak ia hol.

Thu tuong Rajaei hu patacei Mentri Ngak nong saong Alam langik padang Sarak Pacang caga pandiak bhang, njom ia mbak, glut jaleih, ia dauk ia sua saong ia pandar piah lang yah ngak taong abih 5 asal kadha di bhum Taneran kraong Cuu Long. Sarak ini daok hu likau panuac saong hu taong abih mentri abih gah mbaoh tangin. Masa meng anak tal, Rajaei hu mbaoh tangin ba tabiak Sarak ini. Gam haong dak Quy hoach bhum Taneran kraong Cuu Long, Quy hoach kraong ribaong, pacang caga bala langik dalam negar, Quy hoach dom bhum palei saong Sarak ini, ye bhum Taneran kraong Cuu Long meng ngak hu lagaih.

Sarak danak mboh oh hagait bahrau dut haong Sarak 120 daok ngak, atau dom asal kadha pakat nagar Trung uong daok patacei, min hu buh jien tame njauk labik dhua saong kuhria buh jien tame tui danak, jalan piah tal thun 2030 khol drei langyah tani tanat asal kadha pandiak bhang, njom ia mbak jeng yau glut jaleih… di bhum taneh Taneran kraong Cuu Long./.