Ong Nguyễn Văn Minh (bảy Minh), umo 75 thun, dalau ngak Akaok UB Bhap bini xa Long Phước drut druai dar hadar, hadei di harei peih paha gah meraong taneh ia tame saboh nagar, Long Phước brai rai oh daok hagait kandaong, sang danaok kayah kayac, jalam mbak draoh gram, ribaong kraong oh ka hu... raidiuk bhap bini rahra sap janih kan daman. Mbiah tal thun 1993, tuk Karja nagar peih bruk kah brei taneh ngak jalan, dui talei gom ndien, padang ngak ribaong kraong, dalam nan njauk hu bruk pan tangin tame bruk padang palei ngak nong barau, Long Phước yau ye "salih janih kulik ralo ". Ong Bảy Minh khan lac:

"Hadei di peih paha, bhap bini rahra Long Phước gilac mai padang bhum palei... Tal ini, ndien, ia, langik tasik alam, y te, ba magru... jeng hu brei pagalong, Long Phước hadah iambaok hu brei angan ieu lac sa baoh xa anh hùng, xa ilamu ".

Long Phước meng dahlau sa labik masuh matak di dalam 2 mbang taong kalin peih paha bangsa. Majam lubang luak nao mai di ini oh ieu lac sa janih sajarah blaoh nyu daok ieu lac "baoh sang bac" magru ilamo katmang brei ka dam dara uranaih. Sa-ai Đặng Hoàng Minh Tâm, Bi thu xa kapul Long Phước, khan brei thau lac, dam dara Long Phước tuk halei jeng hadah mbaok kayua drei lac anek taco di bhum taneh anh hùng. Dam dara harei ini daok kham marat yaih ba dakwah brei ka ilamu bhum palei:

"Hu angan lac urang anek taco di Long Phước anh hùng, khol dahlak jhul khang dakwah ilamu, daong bhap bini thau online tapak ".

Co cau kinh te di Long Phước hu salih khang. Mayah meng dalau diah gah ngak nong ralo mbiah 98%, tal urak ini trun daok 76%, ein brei labik ka ngak tiểu thủ cong nghiep saong blei salih yitvu (24%). Jien duah hu yaok akaok manuac di dalam xa jeng hu tagok 21 mbang dut tui dom thun barau peih paha.

Jaik si abih 100% baoh sang hu pandar gom ndien majam talei nagar. Jalan mbak nao mai salah gah, jalan nao hamu apuh hu tuh manyek, tuh betong, palagaih ka jalan nao mai pablei salih. Majam sang bac, balai y te hu buh jien padang barau, njauk hatai bhap bini jammaah rahra.

Ong Nguyễn Văn Tấn, Akaok UB Bhap bini xa Long Phước brei thau: Thun 2012, xa truh blaoh harak danak dak dom xa biak kathaot. Dom baoh sang urang kathaot urak ini daok mala 1%. Labaih 95% baoh sang blei bao hiem yte, dalam nan abih 100% sang kathaot daong brei kat bao hiem y te. Akaok bram bruk di xa ieu lac mek hu tanut asal chuan palei ngak nong bahrau pakat glaong, yam tagok padang xã palei ngak nông brei brei ieik di masa 2023-202. Ong Nguyễn Văn Tấn daok brei thau yau nan:

"Long Phước ngak ganap dom asal kadha brei ka palei ngak nong barau brei iek tui. 99% jalan nao mai hu brei pok tagok. 100% taong abih bhap bibi pandar ia hacih ".

Long Phước harei ini oh ieu lac sa janih palei ilamu kakmang blaoh daok ieu lac sa labik dah krah dalam bruk ngak mbang. Rahra bhap bini di ini daok kham marat dak padang bhum palei dak harei dak ilamu kaya mada, siam makre./.