Sa-ai Nguyễn Đức Thanh brei thau, hadei di labaih 4 bilan raong, bruk ini brei mboh palai takik jien, ba mai siam lagaih ka bruk ngak mbang. Dahlau daih sa-ai raong katit, min duah di darak pasar kan nan salih tapa raong nduong li-u. Raong nduong li-u oh lahik rilo tukvak yau raong katit. Nhộng nduong li-u ba tame kén labaih 15-20 harei praong tagok jeng nduong amaik ame. Labaih 15-20 yau ameik ame hu ba tame 1 chau hu srau dahlau pandap kaya mbang piah mek pajeih, mebaoh. Hadei 10 harei ye klah neh amaik tabiak piah mebaoh rai anek bahrau. Bhian drei amaik hu mebaoh 3 mbang anek. Meng tuk nduong li-u mebaoh tal tuk pablei hu lac labaih 40-45 harei. Tal tuk pablei hu, brei neh rabha dom drei meda piah pablei pandap ralo. Meyah khin ngak pajaih ye brei khik pajaih ba nhộng tame kén.

Bruk ngak kén jeng mbuan, tok brei tacaoh xơ li-u saong kateik catang blaoh buh nhộng tame. Haong labaih 20kg nhộng hu patabiak labaih 2.000 kén. Tuk tame kén, mikva brei plaih pandap tamo saong labik tathah kayua brei kein lagaih ka halak haling kanjah jhak cakrok. Hadei labaih 15 harei tame nhộng kén lac mek hu anek pajaih.

Sa-ai Thanh brei thau: “Bruk raong anek nduong li-u oh kan, tok brei mbang dalam dom tukvak akaok meti tuk drei binai mebaoh blaoh. Dalam 1 bilan nduong ta-eng mbang dom janih dinh duong meng kanduh li-u saong dom janih hu srau saong ba tabiak nduong pandap kaya. Nduong praong meyah oh hu mek pablei ye nyu jeng kén saong jeng anek meduan. Janih ini biak takik ruak yau nan ye bruk kurang takik”.

Raong anek nduong li-u jien buh tabiak oh ralo, tok brei buh jien brei chau raong saong ndap mbang haong jien labaih 40 ribau dong/chau. Ndap mbang di anek nduong li-u lac xơ li-u, patei hijao, pambuak haong haleik brah, haleik tangei srau haong gauk gap ka nyu mbang, dalam nan janih hu pandar rilo abih lac xơ li-u. Bruk pandiak lagaih ka nduong li-u praong tagok lac meng 28 ndo C ba tagok, kayua meyah langik la-an ndong li-u mebaoh takik saong matai.

Tui sa-ai Thanh, anek nduong li-u lac pandap kaya mbang hu rilo urang takre. Dalam bruk raong, bruk ini oh ngak njom nerak alam langik kayua raong dalam labik kandauk. Langiu di nan, xơ li-u piah raong nduong daok meda ngak khak drak ka phun pala biak siam. Urak ini yaom nduong li-u pandap kaya meng 300-450 ribau dong/kg patui janih. Yaom glaong min oh njauk lac tuk halei sa-ai Thanh jeng hu dahlau piah pablei.

Amuk Phạm Thị Là, Phaok Akaok Kapul Urang ngak nong phuong Minh Thành brei thau, urak ini di labik bahrau tok hu baoh sang sa-ai Thanh raong nduong li-u. Ini lac bruk bahrau di bhum palei. “Tapa jirah rivang saong duah thau bruk raong anek nduong li-u, drei mboh ini lac bruk takik palai jien, prein menuac, pambak hu dom pandap klak di bhum palei bo pablei yaom glaong. Pachreih urang raong brei pacang tani tanat oh luai pambak nduong li-u tabiak alam ngak kanjah jhak tal bein phun kayau”./.