Huyện Tam Nông (Đồng Tháp) thau lac salih số dalam ngak nong lac jalan peih tabiak ka patagok bruk pala, ngak. Ong Nguyễn Thanh Hồng, akaok jabat ngak nong saong patagok palei pala huyện Tam Nông (t.Đồng Tháp) brei thau: Bruk salih số hu daong khik ramik bhum pala, jalan pala, daong tui iek, tacei ba hu siam, lagaih. Paglaong prein pasang iek, lagaih haong kan kandah di biến đổi khí hậu tal bruk ngak nong piah patagok năng suất phun pala, athur raong, ngak tabiak dom janih kaya nong siam, chất lượng glaong.

Dalam gah pala drak saong khik caga phun pala, pandar kapal haoh oh hu menuac peih pruh jru khik caga phun pala, ngak jeng labik pabak bruk tam padai, buh khak, pruh jru khik caga phun pala di dom xã, ban sit saong taneh hu pruh dak hartei dak tagok tapa yaok vụ. Urak ini, dalam huyện hu 24.000ha, meblah labaih 30% taneh pala hu urang nong pandar kapal haoh oh hu menuac peih piah pruh jru khik caga phun pala, buh khak saong drak padai pajaih.

Bruk mblang hamu ngak padai tui jalan ngak bahrau, abih takik ia, pandar dom jalan công nghệ 4.0 jeng pandar hệ thống cảm biến piah khik bruk pruh dauk, pruh thu pablak gauk, buh jien ngak 5 bilai tui iek halak halin hu pandar phần mềm Rynan-Mekong di dom xã Hòa Bình, An Long, Phú Đức, Phú Thọ saong Phú Thành B… duh ka bruk kuhria mboh dahlau bruk hit saong caga dahlau bruk pacang halak halin hu siam lagaih. Meng nan, daong ngak brei salih jalan sahneng, jalan ngak di rahra tui jalan khang hatai pandar công nghệ bahrau tame bruk ngak, daong patrun menuac ngak, takik jien ngak, paglaong năng suất, chất lượng kaya pandap.

Langiu di nan, huyện Tam Nông hu rilo rahra di bhum ĐBSCL thau tal, meng pandar công nghệ 4.0 dalam bruk ngak nong saong padang “Mblang hamu thông minh” hu daong ka rilo vụ padai trun jien sahui saong tagok jien laba. Dalam nan, njauk ndom tal bruk buh jien ngak 12 hệ thống jamriak pruh ia abih takik ia meng phần mềm ứng dụng tapa phone tangin piah ngak meng atah ka bruk ba ia tame tabiak mblang hamu.

Taphia nan, Sở Ngak nong saong Patagok palei pala Đồng Tháp daok buh jien ngak hệ thống brei thau ka labik taneh (GIS) tui iek dom ar pacang, glut jaleih takai kraong. Padang bilai brei thau dahlau ka ribuk, jakala di xã Phú Cường saong padang bilai duk iek ia di ban sit Tràm Chim.

Ong Nguyễn Văn Đồng, urang nong ngak 4ha padai di xã Phú Thọ, huyện Tam Nông brei thau: meng bilai tui iek bruk langik tasik hu karja buh jien ngak bo urang nong biak mbuan lagaih piah pandar ilamu pruh ia patak pataom dalam ngak padai tui jalan pasah – thu pablak gauk. Ngak padai meng ilamu pruh ia yau nan hu daong ka urang nong trun hu meng 25 - 30% khak, takik hu halak halin palai kaik saong abih di nyu lac takik mbang pruh ia piah abih takik jien sahui saong abih takik ia.

Tui panuac khan di ong Trần Thanh Nam, akaok UBND huyện Tam Nông, bruk salih số dalam gah ngak nong taduan hu bruk njauk hatai pachreih tui biak glaong di doanh nghiệp saong urang ngak padai dalam peih ngak dom bruk patagok kinh tế ngak nong saong patagok palei pala tukvak 2021 - 2025 saong patui jalan tal thun 2030. Bruk pandar công nghệ 4.0 daok hu dom pakat, dom gah sangka pachreih ngak, abih di nyu lac dalam gah ngak nong./.