Ngan saong pheing caik dalam sang: harei 8 bingun Tết njauk ba pheing tabiak langiu labik hu pandiak saong lahei meng 3 - 5 harei piah ngak randap haong pandiak. Plaih caik di labik hu pandiak rilo meda ngak brei thu hala, matai phun. Ngan saong mai caik di langiu sân atau pala haluk ye oh cang ba phun nao labik karei kayua nyu randap haong pandiak blaoh. Tal kreih bilan sa saka ia bulan ye ngak tui dom jalan iek glang phun mai.

Ka 1: Cakak dhar mai hadei Tết: Mek katrei cakak dom dhar atah, dhar njaom ruak saong dom caduk ka oh raak, dom bingu thu, plaih caik ka bingu hu asar. Meyah phun njauk cakak rilo saong sanam praong, pandar keo dui ka nyu gam veik piah ka labik sanam samar siam veik saong khik ka phun plaih njauk hagait njaom tame.

Hadei di tuk cakak dhar ka phun mai ye njauk caik hatai tal bruk ngak hacih veik ka phun. Mek nding ia pruh khang tame phun piah ngak hacih dhur mur. Pruh blaoh meyah mboh phun ka oh hacih, mikva meda mek bàn chải carah khang tagok phun piah tapaok abih bimao.

Ka 2: Caga haluk: Srau haluk pala hu mụn dừa, kam, haluk, khak hữu cơ tui tỷ lệ 4:3:2:1 atau haluk hacih srau haong dom janih hữu cơ yau ye khak laneng, khak menuac, tapung neem, hệ VSV… tui tỷ lệ lagaih, daong pabak ginup dinh dưỡng, tagok prein pacang ruak.

Ka 3: Mek phun tabiak truh pheing blaoh mek tangin puh klaak tal haluk klak vil val gha piah ka gha bahrau mbuan tamuh praong. Mek katrei cakak meneing gha taha atau gha hu bimao, khik veik gha sit yau bilau piah njuk mek dinh dưỡng. Tui phun praong atau sit bo ruah pheing ka nyu lagaih, ruah pheing praong jang pheing klak, siam di abih lac pheing kaoh. Buh haluk hu caga blaoh tame labaih meteh pheing pala, caik phun mai tame kreh pheing, sa tangin khik kajap, sa tangin mek haluk buh tame ka nyu bak pheing phun. Salih taneh blaoh caik pheing di labik halui meng 1 – 2 adit, hadei di nan ba tabiak pandiak piah phun tamuh siam.

Njauk caik hatai lac: Tuk bahrau salih haluk, oh buh pabak khak hóa học kayua tuk nan gha oh mbang khak, meda ngak brei khut gha.

Ka 4: hadei di tuk salih haluk brei pachreih gha ka phun haong pachreih tabiak gha N3M lai tui tacei pato di mangaok kanduh tauk di labik ngak tabiak. Pandar pachreih tabiak gha dalam 3 – 4 mbang, yaok mbang ndaoh di gauk meng 7 – 10 harei. Bruk pabak pachreih gha N3M ka phun mai meda daong ka gha phun praong samar veik.

Ka 5: Pruh ia: Langik pandiak, harei pruh ia 2 mbang di tuk mesup saong biar harei langik lahei, meyah langik halui ye pruh ia harei sa mbang, tui got phun praong atau sit bo pruh ia takik atau rilo ka nyu lagaih. Pruh tapak tame got saong pruh ia sit sit tagok hala.

Ka 6: Buh khak: Hadei di 15 – 20 harei salih haluk, buh pabak khak hữu cơ ka phun meng 1 – 2kg sa got piah patagok dinh dưỡng ka phun. Dalam nan, janih khak  hữu cơ siam abih ka phun mai hadei Tết lac khak laneng SFARM pagul jeng asar. Kayua khak nyu daong ka gha tamuh siam, khang saong tagok prein pacang ruak. Takik njauk dom ruak gha saong pacang veik rilo ruak palai khut phun. Langiu di nan, khak laneng oh hu dom vi sinh vật ngak khut yau ye vi khuẩn Ecoli. Khak oh mbau hagait, oh ngak nerak tachauk alam langik tasik saong salamat ka prein yava menuac pandar./.