Got kayau, ngak giàn ngầm ka vẹm pagam tame, tui iek bruk praong tagok di drei vẹm
Vẹm xanh daok ieu lac vẹm kaduh hijao, lac janih hu 2 kanduh hu rilo urang nong daok di bhum tasik Kiên Giang raong hu siam, saong meng bruk ngak ini bo raidiuk di mikva daok di bhum tapen tasik dak harei dak tagok.
Dom urang nong raong vẹm hijao brei thau, thun ini yaom lac vẹm hijao trun yaom khang, min vẹm manek biak rilo, nan ye meda lac oh abih jien blei anek pajaih, tok abih jien blei got kayau, ngak giàn ngầm ka vẹm pagam tame, tui iek bruk praong tagok di drei vẹm saong cang tal tuk sraong mek nan ye kein laba kinh tế jeng daok khik hu tani tanat. Saai Nguyễn Văn Trăng daok di ấp 6 Biển chreih chrai khan lac: “Bruk raong vẹm hijao dahlak mboh ba mai kein laba biak glaong. Bahrau ini, dahlak buh tame 30 triệu piah klauk got kayau ye mboh vẹm hijao raong thun ini menek biak rilo. Tui kuhria kol dahlak ngak hu labaih 4 tấn, yaom di darak pasa urak ini lac 15 rabau đồng sa kg.”
Di labik raong vẹm hijao daok tal bilan kuac mek, saai Võ Văn Sơn daok di xã Nam Thái bui sambai brei thau lac thun 2021, saai maesraiy 50 triệu đồng di gilang pariak sarak kanja huyện piah raong vẹm hijao, tal urak ini hadei di sa mbang kuac mek, saai pablei hu labaih 17 tấn, mek hu labaih 200 triệu đồng. Meng yaom jien mek tame ini, hu daong ka saai Sơn mbuan biyar hu sraiy, bo daok labaih hu 100 triệu đồng ka sang rok thun bahrau biak trei sir, haniem phul.
Dom urang nong kan kathaot, ngak mbang kan kandah di xã Nam Thái hu masaiy jien di Gilang pariak sarak kanja piah peih brukraong hadang, rieng, saong urak ini lac raong vẹm hijao, daok ginup meda tagok. Kuhria ta-eng bruk raong vẹm hijao, yaok bầu raong hu mblang taneh praong labaih 2 ha, hu urang nong klauk meng 1 ribau tal 5 ribau phun cừ tràm, yaok cừ tràm yau nan tal bilan kuac mek meda hu meng 10 tal 30 kg vẹm hijao. Yaom pablei vẹm hijao urak ini mangaok mela 15 ribau đồng sa kg, tui yaom ini, hadei di tuk kaoh abih phun jien buh tame, jeng daok laba hu meteh. Ong Đỗ Văn Hợi, sa urang daok di labik raong vẹm hijao daok hu khan brei thau lac: “Dahlak masraiy jien di gilang pariak piah raong vẹm hijao, dahlak masaiy 3 thun paje, dahlak ngak mbang hu nan ye biyar salah blaoh, urak ini masaiy viek piah raong viek, dom drei vẹm hijao urak ini siam lo.”
Huyện An Biên hu takai tasik atah 21km ngan haong labaih 7 ribau ha mbaok ia taphia tasik hu jao ka bhap bini pandar. Dom thun jaik di ini, yaom lac njauk kan kandah di langik tasik haong yaom darak tasa tuk trun tuk tagok, min meng rami ramik veik bruk ngak nong njauk jalan, urang nong bhum tapen tasik jeng daok khik hu bruk ngak mbang kein laba meng thau peih ngak siam lagaih, khang kajap bruk ngak kaya hu langik tasik alin brei./.
Urang lang: Thu Thao – 26/01
Viết bình luận