Kreh thun 2020, mboh lac 1,5 ha thanh long oh daok ba mai kein laba, ong Phan Viết Thắng duah thau, bac megru dom bruk ngak kinh te di dom labik.  Tapa internet saong tapa rayo, tivi, ong mboh lac bruk raong dúi mbuan ngak, lagaih haong bruk di sang nan ye duah jalan nao tal tỉnh Lâm Đồng blei 5 yau pajaih dúi ba mai raong. Tuk camereip, kayua oh ka thau cambaih ilamu raong, dúi suai praong, menek takik; min meng kham merat, duah thau, ngak tui ilamo bac hu, dúi menek hu lagaih nan ye ong blei veik 10 yau piah ngak pajaih, tagok tapol. Bruk raong dúi di urang ngak nong Phan Viết Thắng mai meng nan.

Meng 15 yau dúi pajaih, tal thun 2022 ong Thắng eng drei pabam pajaih, padang tapol tagok 100 yau dúi amaik ame, saong khik tani tanat dom drei dúi tal ini. Ong Thắng brei thau, dúi biak mbuan raong, takik prein sangka saong abih di nyu lac takik ruak; pandap kaya mbang rilo meng lac kreim, tabau, asar tangei saong haleik, yaok harei tok brei mbang 1 mbang di tuk bier harei mesup.

Piah ka dúi praong siam, langiu di brei mbang ginup dinh dưỡng, ong daok ramik var ro laneing, lahơi, hacih, oh pasah. Di taneh var ro praong labaih 180m2 ong ngak jaik 300 ô vuông meng kiak men pagam haong gauk hu kích thước 60 x 60 x 60 cm/ô, hoặc 60 x 40 x 60 cm/ô; dalam nan dom ô praong piah raong dúi menek, ô sit piah raong dúi sit saong dúi piah mek ralow. Yaok ô raong sa drei piah ka dúi oh kaik gauk (langiu di tukvak pambuak yau).

Meng thau saong ba ilamu tame sangka, tapol dúi praong tagok siam saong menek rilo. Kuhria rah tapa yaok thun 1 yau dúi pajaih menek meng 2-3 mbang, yaok mbang  meng 2-4 drei. Hadei di tuk raong meng 2 tal 2 bilan meteh meda pablei pajaih haong yaom 1 trieu 400 rabau dong sa yau. Kayua ralow dúi bingi saong rilo dinh dưỡng nan ye bruk pablei dúi biak mbuan lagaih, urang blei mai tal sang blei haong yaom meng 600.000 - 700.000 dong 1kg.

Ong Thắng brei thau, dúi anek meng tuk menek tal 5 bilan meda pambuak yau brei menek, hadei di 45 harei metian ye menek anek saong tuk klah anek ye meda tui veik pambuak yau brei menek mbang karei.  Kayua yau  nan ye, pablei anek pajaih hu ba jien tame ka sang ong, ngan haong 100 yau dúi amaik ame kuhria rah tapa yaok thun menek meng 400 - 500 dúi anek, klaak tabiak dom drei ruak, metai, ong pablei tabiak labaih 350 - 400 anek pajaih haong yaom 700.000 dong 1 drei brei jien tame meng 240 - 280 trieu dong, laba hu takik abih lac 220 trieu dong. Urak ini mikva daok di rilo labik duah tal sang ong piah blei anek pajaih saong bac megru ilamo.

Raong dúi oh abih rilo mbaok taneh, oh caong hu rilo menuac sangka, phun jien biar, pandap kaya mbang mbuan duah saong ba mai jien laba glaong. Lac  siam lagaih meng bruk raong dúi menek di urang ngak nong Phan Viết Thắng. Ini jeng lac siam lagaih ka bruk cakrok patagok kinh te bahrau di rahra dalam bhum palei.

Khan ka bruk kuhria ngak di anak tal, ong Thắng brei thau lac daok peih praong var ro, patagok drei dúi menek piah pabak ka hatai caong di urang blei saong patagok jien tame ka sang. Anak meta, ong abih hatung hatian parabha ilamo, pato tacei bruk raong ka dom sang hu hatai caong bac megru, ngak tui bruk raong dúi piah patagok kinh te./.