Hajan, pandiak saong hangin lac dom janih ngak ka urang pala bingu mai njauk caik hatai. Mayah hu sa janih karei di langik tasik, nyu meda ngak ka abih bein phun mai, labik ba jien tame tuk Tết di urang pala jeng salih tui.
Piah ka phun mai tabiak bingu njauk di tuk Tết drei njauk pandar dom jalan ngak tui ilamo yau ini: Dahlau abih njauk thau lac, tuk drei pala janih phun hagait jeng njauk thau tal bruk caik hatai jeng ye oh klak tapa hu. Iek glang sangka brei ka phun mai kanjik tabiak bingu njauk harei bilan Tết njauk caik hatai tal pandiak laan di nhiệt độ jeng ye taneh pala nyu.
Gah pandiak laan: Mikva brei khik ka phun mai daok di labik lagaih ka bruk tamuh siam saong tabiak bingu njauk tukvak. Labik siam lagaih ka phun mai lac meng 25-30 độ C.
Caga taneh piah pala: Njauk caga taneh di labik hu taneh tasoh haluk laman brai, ngak ro piah khik caga taneh oh njauk ia ndauk.
Piah ka mai tabiak bingu njauk tuk Tet, drei njauk laih hala yaok thun, njauk brei thau tukvak laih hala piah ka canduk tabiak njauk harei 23 bilan 12 saka ia bilan. Ngan haong dom phun mai pagam rilo pajaih, tuk laih hala njauk pilih dom janih pajaih tabiak suai laih hala dahlau, pajaih tabiak aval ye laih hala hadei.
Sa bruk njauk caik hatai ka urang pala mai lac dom thun nhuận, thun labaih bilan, tuk wak laih hala brei kadun veik. Gam haong nan, bruk iek glang mai dom thun nhuận hana kan jang saong glaih jang kayua ngak brei ka mai tabiak bingu suai jang labaih 1 bilan.
Bien halei laih hala suai jang tukvak di nyu, phun tabiak bingu oh njauk harei Tết, meda pandar dom jalan piah pachreih bingu tabiak yau ye: pruh tathah dom bingu tuk langik pandiak ka dom phun mai oh ka tabiak kanduh kam. Pruh ia pandao tame gha mayah langik biak laar. Caik ia patau di mbaok taneh jaik gha. Pruh rao canduk, bingu di dah page. Kataik kaduk mada piah pachreih tabiak bingu aval. Peih gom dah khang di tuk mon 7 tal mon 8 melam yaok melam piah pachreih bingu mai tabiak bingu aval jang meng 2 tal 3 harei. Pandar jru pachreih, tukvak pandar hadei di tuk laih hala meng 2 tal 3 harei.
Jalan ngak ka phun mai tabiak bingu suai: Mayah mboh hala phun mai kanjik jaik laik trun, canduh bingu mai biak praong, meda lac bingu mai tabiak bingu aval jang tuk Tết. Tuk ini, juai laih hala, cang tal harei 20 bilan Mat ye laik hala, jeng padeih pruh ia yaok harei, blaoh drak khak NPK tui tỷ lệ 5-0-2, atau khak la-an yau ye urê lai mbrang, piah khik ka bingu mai oh tabiak bingu awal. Sarau 1 cung tanuai cà phê khak urê haong 8 lít ia, 5 harei pruh sa mbang, drei jeng meda mek khan bai jhuk ma-aom bingu mai veik. Mayah mboh phun mai hu hala mada tabiak ralo ye njauk mek katrei cakak klak nao hasit.
Meyah ka oh tal harei 23 bilan Mat, phun mai tabiak paok kanduh, njauk caik phun di labik halui. Pruh rilo ia, plaih ngak bruk gha. Kuac hasit vil gha ngak ka klaih gha sit. Njauk caik phun daok di langiu langik piah phun pabak hu janih di dalam haluk./.
Viết bình luận