Lac urang ngak bruk padang sang ralo thun, atah di ini labaih 4 thun, tapa duah thau bruk raong ikan main ieik di mik wa urang daok di Ban Mỹ Tho (tỉnh Tiền Giang) mek hu kein laba glaong, jien buh tame raong takik nan ye saai Hồng megru raong ikan main ieik.. 

Tuk camereip, sa-ai ngak 4 baoh pakuang meng simang praong 10m2 sa baoh haong blei anek ikan pajaih mai raong. Anek ikan ba mai raong labaih 6 bilan mada pablei hu ka dom kadai pableih salih yaom meng 4.000 - 5.000/sa yau. 

Saai Hồng brei thau, raong ikan ini oh kan min  urang raong njauk sangka tui iek bruk praong tagok di ikan ka tani tanat. Njauk caik hatai brei salih iar, pahacih saat pakuang iar caga ruak tamuh di rup ikan.

Hadei di mek hu jien meng 4 baoh pakuang raong mbang camerep, saai Hồng eng drei pabam anek pajaih ikan saong peih praong bruk raong ikan. Urak ini, sai Hồng padang hu 50 baoh pakuang meng xi măng piah raong ikan ieik main.

Saai Hong pilih ruah janih ikan tujuh sambo hu yaom mbiah piah blei saong hu ralo urang takre. Yaok bilan sa-ai pablei tabiak pasar darak labaih 5.000 ikan ieik main, jein mek tame meng 20 - 25 triệu đồng.

Saai Hồng brei thau lac, hadei di yaok mbang palei ikan, sa-ai ngak brei pakuan ia hacih saat, pambu thu meng buh pajaih ikan barau. Bruk raong ikan ieik main biak mbuan sanang, min tapi njauk bhian ieik glang piah thau ruak kik di nyu jeng ye brei padam dir chip (sip).

Urakini, bein raong ikan di saai Hồng lac sa labik ieik rivang jirah bac magru di ralo urang ngak hamu ngak nông, jeng ye di damdara dalam xã. 

Saai jeng halan hatian brei thau dom ilamu di drei brei ka dom urang ngak hamu thau, daong tame bruk patagok ekonomi sang danaok, paglaong rai diuk. 

Gam haong nan, saai Hong daok kuhria peih praong bruk ngak mbang saong cakrok bruk raong ikan ieik main ka siam makre tani tanat jang, ini jeng lac bruk pachreih ba ka ralo urang ngak nong pabak hatai jia piah bac magru ngak mbang.

Ông Phạm Tấn Đức, Bí thư Chi bộ, akaok palei Hòa Quới, xã Hòa Tịnh, huyện Chợ Gạo (tỉnh Tiền Giang) taong yaom lac bruk raong ikan di urang ngak nong Phan Văn Hồng yau ye kreih camin hadah di dalam bruk ngak mbang patagok di puk palei. 

Meng bruk ngak ini, saai Hồng hu jien mek tame sang rilo, tani tamat rai diuk saong dak harei dak yam tagok ngak kaya mada. 

Urak ini saai Hồng padang hu sang danaok gheih siam saong blei hu ginup janih piah pandar dalam sang. Ini lac bruk ngak lagaih haong urang ngak nong, urang đoàn dam dara  dalam bruk ngak mbang padang rai diuk./.