Ong Bùi Thái Sơn, Bi thu Huyen uy, Akaok Uy mban Bhap bini huyen Tân Phú Đông, tinh Tien Giang, brei thau piah pacang caga taneh njom ia mbak, urang ngak nong di bhum palei brei salih 3.780ha taneh pala padai oh lagaih tapa pala plang, ngak jeng sa labik pala plang praong abih dalam tinh Tien Giang gam haong bruk yuak kuak mek hu labaih 60.000 tan pandap panda yaok thun.

Plang gam lac sa janih phun njam piah ngak bingi kaya mbang huak blaoh nyu daok sa janih ngak phun jru, nyu mbuan si pala di taneh kaoh pulao njom ia mbak Tân Phú Đông, ciuk pandiak bhang, mbuan si pala, brei buac pandar jaik yau luac thun, ngak jeng ralo, jien buh tabiak takik min mek hu jien laba glaong, mbuan si pablei.

Urang blei yaom meng 4.500-5.000 ndong/kg plang di labik hamu pala tui tukvak masa di nyu. Ngan haong yaom ini, yaok sa ha plang mada pablei hu yaom labaih 100 trieu ndong, langiu di buh tabiak ngak, urang ngak nong daok hu laba labaih 60 trieu ndong sa ha, glaong tagok 3-4 mbang dut pacoh tui ngak padai oh lagaih dahlau daih nan urang ngak nong biak chreih uan.

Huyện Tân Phú Đông hu Cục Sở hữu trí tuệ (Mintri ilamu saong Ngak kong) brei harak adak tame angan kapul "Plang Tân Phú Đông."

Gam tui di nan, palei jeng daok caik hatai patagok kinh tế janum gauk dalam bruk pala plang saong blei nyu, daong ka jalan tabiak ka ndap nda tui jalan mon yaom kaom, urang ngak nong sahnang hatai chul khang bruk ngak mbang pala phun plang.

Tân Phú Đông urak ini padang hu 6 Hợp tác xã pala plang saoh, 3 kapul Pambuak bruk pla plang di dom xã asal gam saong yaok rituh praong sit blei tame. Tukvak masa meng blaoh, bruk pabuak gauk yau nan ngak siam di dalam blei salih, blei plang ba nao pablei di dalam jeng ye langiu tỉnh.

Ong Dương Minh Sơn, Yam ndok Hợp tác xã meyit meyao ngak nông Phú Đông brei thau, hợp tác xã pataom 53 urang pala di taneh labaih 53ha. Oh sa janih pataom urang ngak nong, jak ba ilamu kỹ thuật pala plang tui VietGAP, Hợp tác xã daok blei tame, blei plang ka mikva urang pala di xã Phú Đông.

Urak ini yaok harei hợp tác xã pablei tabiak darak meng 200 - 300 tấn plang . Mai meng yau nan, urang ngak nong sahnang hatai buh prein tame ngak mbang piah mek hu yaom kaom glaong dan saong asal panda siam tame darak pasar.

Urang ngak Nong angan Võ Huỳnh Hà, daok di puk palei Bà Tiên 1, xã Phú Đông ieu lac sa akaok Hợp tác xã meyit meyao ngak nong Phú Đông ngak 2ha plang khan lac, plang mbuan si pala, lagaih saong taneh mbang mbak yau bhum ini. Plang pala hadei 5 mada buac mbang hu; yaok thun brei buac 2 tal 3 mbang; yaok sa ha buac hu 15-20 tấn. Gam yaom plang meng 4.500 đồng/kg, yaok thun, kaoh abih jien buh tame, ong Hà daok raba labaih yaok dom rituh triệu đồng. Ralo thun blaoh mai, yaom lac hu phun plang, kinh tế baoh sang ong Võ Huỳnh Hà hu karo, jien tame mbiah makheik, padang sang danaok praong, padang karo bruk ngak mbang.

Ong Cao Minh Đức, daok di puk palei Lý Quàn 1, xã Phú Đông (huyện Tân Phú Đông) yau ye baoh kreih ngak kaya di bhum taneh njom ia mbak Tân Phú Đông mai meng thau salih tapa pala phun plang di taneh ngak padai sa mbang dalam thun. Di taneh ngak hamu praong labaih 1ha salih tapa pala plang buac hu 2 mbang dalam sa thun, mek hu 22 tấn; gam tui yaom palei 5.000 đồng/kg, duah hu labaih kurang 100 triệu đồng sa mbang mai meng bruk pala ta-eng phun plang.

Tui ong Đức, ba phun plang trun tame hamu di bhum taneh pulau yam nao tal chreih ngak tui jalan pasalih janih phun pala, anek athur raong lagaih, caga ka langik tasik alam salih ieu lac sa jalan nao lagaih di urang ngak nong di Tân Phú Đông padang bruk ngak mbang, palei ngak nong salih bahrau, dak harei dak kaya mada dan saong gheih ghang./.