Dom harei jaik Tết Nguyên đán ini, baoh menuk ada daok tagok yaom. Yaom baoh ada pablei di labik raong lac 2.200 - 2.300 đồng sa baoh. Di labik raong ada baoh angaok thu di ong Ngô Đình Chiểu, hu labaih 1.000 drei ada min oh ginup baoh pablei tabiak darak pasa. Tui ong Chiểu, thun ini baoh ada hu yaom, urang raong ada baoh trun meneng jien blei pandap mbang, jien mek tame jeng glaong jang.
Ong Chiểu khan lac, mboh bruk raong ada tui jalan ngak meng kan bhian gaok khat lahik yau ye njauk jit ruak, baoh ada mebaoh tabiak oh pasang iek hu abih, nan ye ong Chiểu saneng tal jalan raong ada angaok thu. Camereip abih ong ngak mblang ma-in, padang danao caloi aia, jalan raong ini biak laghaih dalam tuk yaom pandap mbang tagok glaong, jit ruak rilo… Siam lagaih di bruk raong ada baoh angaok thu nan lac khik iek hu baoh ada mebaoh, pasang iek hu jit ruak, plaih ngak brei nereak tachauk môi trường saong takik lahik pandap mbang brei ka ada tuk yaom pandap mbang tagok glaong.
Tui nan, piah raong ada mebaoh angaok thu, ong Chiểu brei tauk kiak taong abih labik raong piah ngak jeng mblang ma-in ka ada piah mbuan puh ramik yaok harei. Abih di nyu nan lac, ong Chiểu brei ngak sa bingun ia biak prong di kreh labik raong brei ka tapol ada caloi, menei, kayua ada nyu takre aia. Bingun ia ini bhian hu salih ia piah plaih nerak tachauk môi trường, tamuh tabiak saong njam mbak jit ruak ka tapul ada.
Di labik kreik brei ka ada mebaoh, piah patrun bruk nerak alam môi trường, ong Chiểu ngak đệm lót sinh học meng kanduh kam piah tuak di ala ka tapul ada. Tuk blei kanduh kam mai, ong ba pambu ka thu, sát trùng dahlau di tuk tauk van ro ada. Blah đệm lót sinh học nan kapal meng meng 10 – 15cm. Yaok hadei di 2 bilan pandar, ong Chiểu brei pruh jru pametai anek ruak ka tal đệm lót sinh học sa mbang piah pametai anek ruak meyah hu, khik siam pren yava ka tapul ada saong patrun mbau bruk. Hadei di 6 bilan meda salih bahrau tal đệm lót sinh học ka tapul ada. Tal đệm lót sinh học pandar blaoh, hu pandar ngak khak buh ka phun pala. Langiu di nan, vin taom dhar labik raong ada mebaoh angaok thu, hu pacang meng lưới B40 piah mbuan pasang iek tapul ada, hu jalan ngak samar drah tuk tapul ada njauk ruak.
Tui panuac khan di ong Chiểu, tuk raong ada mebaoh angaok thu brei bhian tui iek tapul ada saong hu chế độ mbang ka nyu laghaih piah ada mebaoh hu rilo baoh saong hu baoh siam. Dalam nan yaok harei, urang raong njauk ramik veik dom pandap mbang, hàm lượng dinh dưỡng ka tapul ada. Njauk patagok pandap mbang thu, hu rilo đạm saong njam that hijao.
Lavik mai, angaok bhum taneh Tây Ninh rilo urang nong raong ada tui jalan ngak meng kan, raong ada nduac mbang langiu mblang hamu. Raong ada tui dom jalan ngak ini, urang nong brei hu bingun padang aia prong atau raong angaok dom mblang hamu bahrau yuak blaoh. Kayua raong palo ada mbang nduac langiu mblang hamu nan ye mbuan lahik baoh saong ada. Langiu di nan, daok kan si pasang iek jit ruak saong ngak nerak tachauk môi trường.
Tui jalan raong ada angaok thu yau nan mikva meda raong hu luac thun. Meng jaik 1.000 drei ada, yaok harei ong Chiểu pablei tabiak hu jaik 800 baoh. Tui yaom baoh ada yau urak ini, ong Chiểu mek tame hu jaik 1 triệu đồng.
Tui Kapul urang nong xã Suối Ngô, bruk raong ada mebaoh angaok thu di ong Chiểu daok ba mai kein laba kinh tế. Kapul urang nong daok jak ba urang nong mai rivang iek, bac mgru ilamu bruk ngak ini piah ngak tui brei jien mek tame glaong./.
Viết bình luận