Pambuak gauk pala drak, pablei salih pandap panda di dalam huyện, abih di nyu nan lac dom kaya nong

Ong Lê Văn Lâm (daok di xã Phú Lộc, huyện Tân Phú) hu 1,5 ha bein pala baoh karuac bung bilau hồng, panat Thái, li-u xiêm lùn…Hadei di tuk tỉnh Đồng Nai pacadu bruk paatah di gauk, ong Lâm jar var haong bruk cacak dhar, buh khak, pruh jru piah ka phun tabiak baoh di vụ jaik tal. Tukvak paatah di gauk, kaya nong trun yaom biak bier, hu tuk pablei lap jeng oh hu thei blei nan ye ong Lâm daok caong lac mbang ini darak pasa hu pasiam viek: “Baoh karuac bung kalik hijao daok pablei hu, daok baoh kruac bung bilau hồng lac oh pablei hu. Bhap bini buac hareik, sangka buh khak, pruh jru piah caga ka mbang anak tal. Bhap bini saneng lac meda pala njauk tuk tapa jit”

Langiu di xã Phú Lộc, dom xã Phú Thịnh, Tà Lài, Phú Xuân… huyện Tân Phú jeng daok car var ngak pasiam viek bein, puh cakak piah caga ka bilan paik baoh anak tal hu năng suất glaong jang. Tui ong Nguyễn Nhật Hồng – akaok jabat ngak nong saong patagok palei pala huyện Tân Phú, urang nong daok gaok kan kandah kayua yaom khak drak tagok biak glaong dalam tuk urang nong oh hu jien mek tame meng rilo bilan ini mai ngak kan kandah tal bruk pasiam veik pala drak.

Ong Huỳnh Trung Tính – Phó akaok Kapul urang ngak nong xã Phú Lộc brei thau: kapul daok pataom tame daong mikva dom bruk yau ye pachrieh urang nong pandar khak hữu cơ, khak vi sinh piah patrun jien buh tame gam piah ngak pasiam taneh, daong ka phun pala tamuh siam, khang kajap. Ong Tính hu likau gah chức năng saong kanja palei sangka, daong ka urang nong pasiam viek bruk pala drak: “Urak ini bhap bini daok kham marat cak rok bein di drei, sangka viek bein, pruh ia, buh khak veik piah pala drak birau. Caong maong lac anak tal, Kanja, mikva drei sa tangin saong gauk piah jhul kadhun likuk jit ruak Covid, daong baoh kayau, kaya nong di drei hu labik pabei, mikva hu jalan piah cak rok patagok siam jang”.

Dalam tuk jit COVID-19 meda daok dom kan kandah kan thau dahlau, piah ka bruk ngak nong hu khang kajap, gah ngak nong huyện Tân Phú daok pataom tame dom danak dak pambuak baoh kruac bung Tà Lài, pambuak padai di Phú Bình, njam patam hacih Phúc Lâm. Gam haong nan, jabat ngak nong saong patagok palei pala meda pambuak haong Jabat Kinh tế - hạ tầng, pambuak haong Sở Công thương, Sở ngak nong saong patagok palei pala piah pambuak gauk pala drak, pablei salih pandap panda di dalam huyện, abih di nyu nan lac dom kaya nong./.

Urang lang: Thu Thao – 12/11