Umo labaih 70 thun, min nghệ sỹ bhap bani Vũ Hoài jeng daok abih hatai takre dom van pathram tamia bhap bani,  pato ragam xòe ka bhap bani dom bangsa pak tỉnh Sơn La. Bruk abih hatai takre nan di ong nyu ngak pachreih dom urang dalam dom kapul daoh tamia di ralo puk palei dalam tỉnh. Sa-ai Cà Thị Xôm, daok di palei Tà Lanh, xã Chiềng Hoa, huyện Mường La brei thau: Hu gru Hoài tcei pato, dahlak hu thau cambaih ka tamia xòe. Mai veik palei drei, dahlak meda tacei pato veik ka dom adei sa-ai dalam kapul tamia piah ka adei sa-ai tacei pato veik ka mikva dalam palei tamia xòe ka nyu njauk.

Bac  tamat khóa I sang tamia Việt Nam, thun 1963 nghệ sỹ Vũ Hoài mai ngak di Đoàn văn công khu tự trị Tây Bắc, hadei di ini lac Đoàn daoh tamia  kịch tỉnh Sơn La. Tapa nan, nyu pambuak pagam urang nghệ sỹ ini haong ilamo saong tamia di dom bangsa Tây Bắc. Luac 34 thun ngak bruk pak ini, ong hu nao tame dalam, duah thau, roh duah ragam tamia bhap bani dom bangsa nan ye ong thau cambaih saong hu ilamu pabak ka bruk ngak ilamo nghệ thuật di drei. Tapa dom bruk ngak lac: meng diễn viên gam ngak biên đạo tamia, akaok kapul tamia, akaok kapul sáng tác saong đạo diễn, akaok kapul – tacei pato nghệ thuật Đoàn daoh tamia kịch Sơn La, ong hu ralo vai  chính thành công yau vai likei  dalam kịch tamia “Tui hala dok peih paha”-1964, “Ong bò vẽ”-1965, “dalikan palei Pá Khôm”-1972. Gam gam yaok thun, ong jeng hu sáng tác dom ragam tamia, kuhria mboh labaih 100 tác phẩm ka đoàn văn công tỉnh Sơn La, gam haong ralo Đoàn nghệ thuật chuyên nghiệp dom tỉnh karei, jeng yau negar ayut sahabat Lào. Meda ndom tak dom tác phẩm tamia pambuak pagam haong angan je di ong nan lac “Klau ong taha khik ranaih” tui jalan tamia Thái, “Cầu mùa” di bangsa Khơ Mú, “Đôi cánh ước mơ” di bangsa Si La.

Hadei ini, tuk  mai ngak di Hội Nghệ sỹ tamia Việt Nam, ngak Phaok Tổng thư ký thường trực, blaoh phaok Akaok thường trực Hội, ong hu mbaok tame vak kịch bản đạo diễn danak dak Nghệ thuật peih pakak, tamat talaih Seagame XXII pak Hà Nội; taphia di nan lac Tổng đạo diễn, tác giả kịch bản ralo danak dak nghệ thuật prong pak Hà Nội saong dom tỉnh, bal karei dalam negar. Ong jeng hu mbaok tame pato ralo tal pasram biên đạo phong trào daoh tamia bhap bani pak dom puk palei. Taong abih dom danak dak di ong jeng hu suan yava di tamia bhap bani dom bangsa. Nghệ sỹ Vũ Hoài khan lac: “Sang bac tok pato dom ilamu cơ bản min. Bo tamia bhap bani ye suan yava di nyu gaok tuk mai  oh ndih dalam cơ bản, bo daok dalam dom tiểu tiết biak sit. Tuk mai ngak bruk pak khu tự trị Tây Bắc, hu taom gaok haong tamia bhap bani di mikva dom bangsa, dahlak meng saneng mboh lac, tamia bhap bani mboh biak chreih chrai, nyu oh khuôn phép tui jalan mac moc, bo hu tính ngẫu hứng di bhap bani. Ngẫu hứng nan ngak jeng dom chi tiết oh hu harak tapuk halei meda pato hu”.

Padeih chế độ thun 2010, nghệ sỹ Vũ Hoài mai veik Sơn La - sa bhum taneh hu ong mong yau bhummi ka dua di drei. Suh sah anak bruk ragam tamia xòe meng kan di Sơn La takik ralo njauk lahik nao kayua bruk giao thoa ilamo dalam rai diuk, ong hu mbaok tame đề án “roh duah saong pato pakai dom ragam tamia ndung bak ilamo dom bangsa takik Sơn La”, abih hatai nao tal dom puk palei pato tacei, padang veik yau tamo dom ragam tamia xòe, pambuak pagam haong dom ragam tamia meng kan karei ndung bak ilamo dom bangsa Sơn La. Ong brei thau: “Xòe hu meng kan, min meng kan oh lac klak bo nyu tuk halei jeng bahrau, tuk halei jeng ba drei tame dalam rai diuk. Xòe meng kan nyu hu makna ginreih dalam nan: Bộ gõ, vòng tròn, jalan payeng tapa gah hanuk, tame xòe, tabiak xòe, taong abih daok hu khik tamo. Min ngak yau habar piah ka nyu hu bui sambai jang, chreih chrai jang, pambuak pagam haong yaok mbang, yaok mbang xòe jeng hu makna karei di nyu

Labaih 40 thun ngak bruk nghệ thuật, langiu rilo huy chương ameh, huy chương pariak, dom giải thưởng prong glaong, nghệ sỹ Vũ Hoài daok hu Đảng, Karja pok brei Huân chương Lao động pakat klau, Huy chương Hữu nghị di negar ayut sahabat Lào, Giải thưởng Karja ka văn học saong nghệ thuật, harak pok meyaom di Thủ tưởng raja-ei, bằng “Lao động sáng tạo”, angan Nghệ sỹ Bhap bani./.