Urang ngak gilac mai ngak bruk pak di labik 

Tal bilan 10 yaok thun, urang nong bhian palao raong hadang  bilan bahrau. Bilan ni bhian hu năng suất glaong nan ye mik va dok pataom tame trun pajaih. Sang ong Đoàn Văn Hòa daok di xã Hàng Vịnh, huyện Năm Căn hu trun pajaih bloh ka 6ha taneh palao rong .Hadei di tuk njauk kan kandah kayua  jit Covid-19, urak ni yaom hadang hu tagok veik nan ye sang ong  Hòa dok biak cong tame bilan ni:

       "Yaom beir ye jien mek tame takik. Dahlau deih hadang  sú 20 drei sa kg yaom 210.000 đồng, urak ni tagok hu  230.000 đồng sa kg saong  dok tagok yaom. Hulin rami ramik veik song palao pajaih bloh, labaih sa bilan meteh meng pablei hu jien".

          Jabat  chức năng tỉnh Cà Mau dok ba tabiak dom jalan dong urang nong pasiam veik bruk rong, pala.Yau di huyện Cái Nước hu tacei pato bruk kuac raok danao meng biak avar, gam haong nan, jabat  chuyên môn jeng hu kakei urang nong biak sangka tal chất lượng anek pajaih, nyaih pandar dom janih hadang pajaih oh thau meng halei mai. Ong Mai Trí Thật urang jakar pachreih ngak ikan  di  xã Đông Thới, huyện Cái Nước brei thau.

          "Dalam tuk peih ngak sarak 16 ye drei oh nao mai duah thau bruk song dong ka urang rong  sò atau hadang, gieng hu . Urak ni dalam siam mekre bahrau ye hu taom gaok, ndom biai, tacei pato bloh duah thau bruk rong yau habar. Meng nan hu jalan tacei urang nong ka nyu lagaih, saong khik bruk pablei pandap hu siam jang".

        Taphia di rong pala kaya ikan, huyện Cái Nước dok hu pren khang ka pala bồn bồn. Dưa bồn bồn di  huyện ni  hu  Cục Sở hữu trí tuệ (Mintri  Khoa học - Công nghệ) brei angan nhãn hiệu kapul nyaom. Dalam tuk paatah di gauk, bồn bồn di pak ni gaok kan kandah kayua kan pablei tabiak ; dom sang pablei salih jeng ngak takik veik. Min, meng di tuk tỉnh Cà Mau pacadu bruk paatah di gauk , abih di nyu nan lac tuk peih ngak sarak 128 di rajaei, bruk ngak mbang pablei salih samar  hu pasiam veik . Urak ni yaom  bồn bồn hu tagok veik, jiak samu yaom yau dahlau di tuk gaok hu jit Covid-19. Muk  Huỳnh Thị Nguyên, sang pablei dưa bồn bồn di  xã Tân Hưng Đông, huyện Cái Nước, khan lac:

"Tuk  jit ruak pandap pablei  biak takik, yaok harei pablei labaih   50 kg. Urak ni, yaok harei pablei hu labaih 100 kg. Yaom di tuk jit  ruak 22.000 đồng, urak ni, tagok  25.000 đồng".

Hadei di tuk tỉnh Cà Mau kham merat pacang caga jit song pataom tame patagok gilac veik, dom bruk ngak mbang, pablei salih hu tagok siam, urang nong pak ni jeng samar ba tangin tame piah pasiam veik bruk raong, pala, pabak pandap panda. Oh lac dom janih hadang, bồn bồn bo yaom dom kaya nong karei jeng daok tagok siam./.

 Urang lang: Hanipha- 1/11