Urang nong daok ranaih umo ngak tabiak hệ thống pandar mac njuk pruh ia tapa điện thoại

Hu dom ilamu kỹ thuật ba mai kein laba, saong hu patabiak meng dom urang ngak nong tapa bruk ngak yaok harei di drei. Sa-ai Trương Đình Thống, sa urang nong daok di palei 3, xã Bình Lộc, Ban sit Long Khánh, tỉnh Đồng Nai, lac urang roh duah saong ngak tabiak bruk pandar công tắc điện mac njuk pruh ia meng điện thoại pan tangin. Kadha vak di Thanh Lan – Hương Giang brei thau ka urang ngak nong naih joi nan: 

Caong khin ngak pahu pandap peih atau kareik eng mac njuk pruh ia meng atah, tuk camereip sa-ai Thống pandar remote piah peih kareik mac njuk pruh ia, min pandap nan oh lagaih di labik lac sóng điện từ nyu katut panak. Meng nan, sa-ai sahaneng tal bruk pandar sóng điện thoại piah peih, kareik meng atah. Tok iew phone tal sa baoh điện thoại  hu sim số tích hợp di bộ điều khiển ye nyu ngak brei peih công tắc điện mô tơ njuk pruh ia. Tuk camereip jeng hu dom kadha oh ka lagaih yau ye nyu peih hu min oh padam hu, atau urang iew meluk tame ye mac jeng peih njuk pruh ia…Hadei meng roh duah, sa-ai duah hu jalan piah peih kareik tui dom số điện thoại halei hu cài tame blaoh iew mai hộp điều khiển ye mac meng peih hu. Sa-ai Trương Đình Thống brei thau:

"Dahlau diah dahlak pambuak bruk ngak apuh, pagam pandap njuk pruh ia min kayua daok atah, yaok mbang nao ngak ka urang drei njauk nduac nao peih mai kareik mac bơm biak glaih glar. Meng nan, dahlak duah jalan ngak brei peih kareih eng nyu. Meng hatai takre, roh duah ngak tabiak bộ peih kareih. Dahlau diah tok peih hu, oh kareik eng hu. Hadei ini, ngak veik siam jang, kareik hu."

Hadei di tuk ngak jeng, sa-ai Thống hu pagam hệ thống nan ka 10 baoh sang karei dalam xã Bình Lộc saong huyen Thống Nhất. Tuk camereip hu daong patrun patakik prein ngak, takik tukvak ngak bruk ka urang nong. Ong Huỳnh Văn Sỹ daok di phường Xuân Hòa, ban sit Long Khánh khan lac:

"Dahlau diah, oh hu pandap peih kareik meng atah abih biak rilo tulvak. Dahlak njauk peih meng tangin. Meng harei hu pandap peih kreik ini, dahlak daok di sang meda peih atau kareik hu. Sang dahlak atah di ini 10 mbaik jalan, tal mong 3 tuk subuh page dahlak peih điện thoại, dalam ini mac bom njuk pruh ia blaoh, dahlak tame ini ngak tapa bruk karei kayua 2 hecta oh pruh ia sa mbang hu. Dahlak peih mac bơm caik nan nao sang, daok di sang padam mac. Tukvak nan dahlak ngak bruk karei di sang, mboh biak lagaih."

Tui kuhria mboh di sa-ai Thống, pandap điều khiển njuk pruh ia meng phone pan tangin atau meng remote hu yaom meng 300 – 500 ribau đồng saong dalam tuk pandar oh lahik jien cước. Urang likei dam umo 8X nan daok caong khin ngak tabiak van điện từ piah peih kareik van ia eng. Meyah bruk ngak nan hu jak jeng, gam saong bộ điều khiển peih kareik mac bơm ia yau urak ini ye urang nong oh daok abih prein yawa tame ngak tapak, min bein phun pala jeng daok khik hu ginup ia pruh./.