Saai Ngô Minh Chí daok di xã Long Phước, huyện Bến Cầu brei thau, saai kak kajap song phun tabau meng thun 2000. Tuk nan năng suất tabau bahrau hu labaih 40 tấn/ha. Pala labaih 200 ha tabau, meng thau bac megru, thau pandar ilamu bahrau tame bruk pala drak, yau nan ye năng suất tabau di saai hu labaih 75 tấn/ha, chữ đường tani tanat nan ye liba hu labaih 10 triệu đồng yaok ha. Min jien laba nan rilo meng piah bayar sre song jien jhung meng dom bilan tabau dahlau, gam gam khat 4 tal 7 triệu đồng sa ha. Tui saai Chí, duh hatai di labik ni lac bruk oh cambaih laih dalam duk iek chữ đường song đo tạp chất di dom sang mac saradang. Saai khan lac, tuk bhap bini eng drei duk ye chữ đường biak glong,  labaih 12% min sang mac duk ye daok 9 chữ min, hu tuk sa mblang tabau, kaoh sa harei haong gauk min radeih dahlau hu chữ đường karei radeih hadei tal 2 chữ. Saai Ngô Minh Chí ndom lac:

          Meyah chữ đường oh yau gauk kayua tabau ye drei njauk pambuak bruk song urang nong, piah urang pasang ka nyu abih hatai. Tuk urang abih hatai ye urang jia tame drei, ba abih pren yava tame ka phun tabau, yau nan sang mac meng khang kajap hu, urang nong meng dui hu song phun tabau Tây Ninh meng tagok hu. 

Ong Lê Ngọc Tỉnh, sa urang pala tabau lavik thun di ban sit Tây Ninh brei thau, yaom lac chữ đường thun ni glong jang yaok thun, min hu bruk oh cambaih laih dalam bruk blei tabau di sang mac.

          Oh lac duh hatai  thun ni, bo meng rilo thun dahlau. Meng tuk pala tabau 15 thun ni mai lac 15 thun dahlak duh hatai. Kayua hulin sahaneng chữ đường 10 bo sang mac duk hu 9 min ngak ka hulin duh hatai.

Tui kapul urang pala tabau Tây Ninh, dom duh hatai di urang pala tabau tuk vak tapa lac biak njauk kayua jalan ngak oh cambaih laih di dom sang mac saradang dalam tỉnh, abih di nyu nan lac di Thành Thành Công, sang mac ngak saradang praong abih dalam tỉnh. Bruk bo urang pala tabau duh hatai nan lac dalam tuk phun tabau hu iek glang siam jang, tabau tasak samu gauk jang, min chữ đường nyu beir jang. Bruk nan ngak ka urang pala tabau phản ứng kayua hu bruk oh cambaih laih dalam duk iek chữ đường di sang mac. Ong Nguyễn Quang Hợp, Akaok kapul urang pala tabau Tây Ninh, lac:

          Rilo urang nong urak ni biak duh hatai ka bruk tạp chất song abih di nyu nan lac chữ đường, mboh jalan ngak mbang oh cambaih laih di sang mac saradang oh thei khin pala tabau, min kayua urang nong abih hatai haong bruk pala tabau nan ye oh klak hu. Urang nong pala tabau biak glaih glar min sang mac hu rilo kein liba song njauk di nyu sang mac brei anit ranam urang pala tabau song parabha hasit kein liba ye siam jang song khol hulin daok kak kajap haong phun tabau).      

Anak phản ứng biak khang di urang nong, ong Nguyễn Thanh Ngữ, Tổng Giám đốc sang mac saradang Thành Thành Công ndom lac, meda duah thau veik piah ngak ka nyu siam mekre jang, cambaih laih jang, khik kein liba ka mik va.. Ong Ngữ lac:

Khol hulin sinya song ngak brei siam jang bruk blei tabau, pambuak haong mikva urang nong drei piah ngak ka vụ hadei siam jang vụ dahlau.  Công ty jeng thau lac mik va song sang mac yau cambuia song tagei, mik va urang nong duik hu siam, hu kein liba, duik hu song phun tabau ye công ty meng hu tabau tani tanat piah ngak saradang hu suai lavik 

           Tui Sở ngak nong song patagok palei pala tỉnh Tây Ninh, thun bloh,  taneh pala tabau di tỉnh lac 14 ribau 200 ha, takik jang 4 ribau 100 ha dut song thun 2014. Năng suất urak ni lac 75 tấn /ha. Bilan tabau meng bloh, tỉnh ni hu labaih 1 triệu 200 ribau tấn tabau, pabak ginup ka 3 sang mac dalam tỉnh. Min rilo thun tapa, yaom tabau song chất lượng oh glong nan ye jien mek tame di urang pala tabau oh tani tanat, rilo urang salih tapa pala dom janih phun karei. Ong Nguyễn Duy Ân, Phó Giám đốc Sở ngak nong song patagok palei Tây Ninh ndom lac:

          Anak tal tabau di Tây Ninh tagok jaik 20 ribau ha, min năng suất brei tagok 90 – 100 tấn sa ha, đề án rami ramik veik gah ngak saradang brei ramik veik quy hoạch bhum pala tabau ka nyu lagaih song paglaong năng suất. Jalan ngak urak ni lac bhum pala tabau di mblang hamu prong, bo khin ngak yau nan njauk hu talei pambuak bruk di urang nong, sang mac song gah ngak nong. 

      Phun tabau di Tây Ninh dok meriak gauk biak khang haong dom janih phun pala karei, aibh di nyu nan lac bei plom, tuk quy ho5ch lac 25 ribau ha min dok tagok tal 6o ribau ha. Kayua yau nan ye,, piah ka phun tabau tagok hu khang kajap, tỉnh ni njauk khik hu bruk quy hoạch, hu sarak khik caga kein laba di urang nong song sang mac saradang piah urang pala tabau sahanang hatai pala drak./.