Tal tukvak ini, huyen pulao Phú Qúy, tỉnh Bình Thuận hu ngak  salah blaoh bruk kuhria caga ka harei palih ruah. Huyen hu ba tabiak 49 angan urang HĐ bhap bini huyen piah palih ruah mek tame 30 urang saong  angan 135 urang HĐ bhap bini xã piah palih ruah 79 urang. Langiu di nan, cử tri huyen kaoh pulao Phú Qúy brei palih ruah 2 urang QH saong 1 urang HĐ bhap bini pakat tỉnh. Huyện padang blaoh 21 labik buh phieu, dalam nan hu sa labik buh phieu brei ka gah bol pan phao karong. Dom bhum palei jeng hu ngak salah bruk tauk mbat hrak angan cử tri di jabat ngak bruk di UB bhap bini dom xã saong di sang ngak bruk di dom palei.

Langiu di samar drah ngak dom bruk pabak ka bruk palih ruah, bruk pathau khan jeng hu karja huyen pulao biak caik hatai.  Muk Bùi Thị Hồng Điệp, daok di palei Triều Dương, xã Tam Thanh, huyện Phú Quý brei thau meng hu khan brei thau tapa loa papar sap saong meng panuac khan tapak di dom kapol urang jakar, bhap bini thau hu cambaic jang bruk ngak di cử tri:“Drei brei thau payua hatai jia di drei ka urang halei bo drei mboh lac hadah di abih saong abih hatai ka bruk ngak. Khol dahlak hu caga blaoh paje, piah tal harei 23/5 ini, khol dahlak hu ngak bruk di sa rahra”.  

Kayua rilo bhap bini labik ini bhian tabiak tasik ngak mbang, nan ye dom urang dalam Mban palih ruah di 3 xã: Long Hải, Ngũ Phụng saong Tam Thanh hu nao tal sang piah khan brei thau dom bruk praong. Tapa nan, jeng hu thau dom urang nao ngak mbang atah piah khan ka urang thau gilac veik mai sumu palih ruah, atau pambuak saong karja palei labik daok tạm piah buh phieu palih ruah. Ong Lê Phước Trung, daok di xã Long Hải brei thau:“ Bhap bini njauk hatai pachreih tui dom urang tabiak angan piah pilih ruah. Tapa pathua khan di Rayo sap ndem Viet Nam, Rayo Papar sap papar binguk Bình Thuận pathau khan ka bruk palih ruah ye mikva thau abih”

  Oh lac hu thau rilo jang ka quyền haong bruk ngak di drei, bhap bini angaok pulao Phú Quý jeng biak sangka tal ilamu, prein ngak bruk di yaok urang tabiak angan piah pilih ruah. Ong Lê Hồng Lợi, Akaok HĐND – akaok UB bầu cử huyện Phú Quý brei thau: Bruk kuhria caga ka pilih ruah hu salah blaoh. UB bầu cử dom xã hu caga blaoh dom jalan ngak ka harei pilih ruah, kuhria gam bruk langik tasik oh lagaih. Ngan saong dom urang taha praong thun meda gaok kan kandah tuk nao buh phiếu, karja palei hu padang angan saong hu thùng phiếu ba nao tal sang: “Daok pathau khan brei mikva thau dom urang tabiak angan piah pilih ruah di dom labik bầu cử. Di pulao Phú Quý mikva rilo meng nao taong chap ikan di tasik atah nan ye kol dahlak pataom tame pathau khan piah mikva thau, ngak habar hu mbaok dahlau 1 harei piah mesup harei hadei 23/5 nao pilih ruah, blaoh nao taong cap ikan”.

Dom harei ini, dalam dom puk palei di huyện pulao Phú Quý, tỉnh Bình Thuận brei patagok tukvak pathau khan ka bruk bầu cử angaok dom loa papar sap tagok 4 mbang yaok harei, yaok mbang papar sap 30 minit. Di huyện pulao daok chreih chrai jang tuk halei karei, taong abih meuac sia jeng bui sambai chreih chrai cang tal harei bầu cử 23/5 – harei roya di bangsa./.

Urang lang: Ai Nghiem  4/5/2021