Mai ngak bruk di sang bac dahlau deih drei bac, thun 2010, Nguyễn Bá Hải peih sa tal pato takik harei ka bruk sáng tạo kỹ thuật,, saong yaom jien bac sa đô la Mỹ sa urang bac, brei ka urang halei takre kỹ thuật. Meng sa đôla, urang bac thau hu dom ilamu cơ bản dalam gah kỹ thuật, thau lập trình đồ họa trực quan, thau jalan pataom mek tín hiệu meng cảm biến tame komputer. Tal harei ni, hu yaok ribau urang mai meng dom tỉnh ban hu mbaok tame khóa bac ni. Nguyễn Bá Hải brei thau makna ba tal bruk saai peih tal bac ni. 

Tuk bahrau mai palei hu rilo DN daa drei mai pato tacei ka DN, bayar ka drei 2 triệu đồng sa tuk. Tuk vak nan drei mboh bruk bac dalam sang bac nyu karei jang bruk bac di langiu DN. Kayua DN nyu thực tế jang, urang bac piah langyah bruk dok gaok. Kayua yau nan ye drei sahaneng lac habar oh peih sa tal pato pakai yau nan brei ka dom urang takre công nghệ hu rai duik kan kandah jeng bac hu)

Meng cong khin yau nan, saai duah jalan piah hu jien peih tal bac sa đôla, meng bruk patak patom dalam mbang cai di drei tal bruk hu mbaok tame pato pakai di dom công ty, xí nghiệp. Saai caik tabiak yaok pluh triệu đồng blei dom pandap panda, thiết bị piah peih tal bac. Saai Nguyễn Minh Triết, Phó akaok pasak pato bac số, ĐH Sư phạm Kỹ thuật ban raya Hồ Chí Minh, urang pambuak bruk song Nguyễn Bá Hải lac:

Tuk camereip hu saai Hải eng drei peih ngak, eng drei nao tal dom sang bac piah nyim balik. Biak kan kandah, min saai kham merat abih di nyu nan lac dalam harei padeih harei car, harei adit piah pato pakai. Hadei di nan, tuk tal bac hu pambak prong tabiak lingiu xã hội, ye hu rilo cei gru anai gru hu mbaok tame song saai Hải)

Meng khóa bac sa đôla, rilo urang bac bloh hu bruk ngak tani tanat, rilo urang mai daong bruk veik ka saai ngak dom thiết bị, dom jamriak piah pandar, piah pabak ka bhap bini. Sa dalam dom công trình sáng chế  njauk  ndom tal nan lac pandap ba jalan ka urang sup meta hu angan ieu lac “Meta thần” Tuk cuk pandap sit yau cuk camin ini tame, urang sup meta thau hu vật cản di anak mbaok dalam labaih 1 mét. Pandap nan nyu megei tagok tuk urang pandar gaok vật cản, dong ka urang sup meta nao mai hu mbuan lagaih jang. Pandap nan mek hu giải “Nhân văn” dalam mbang pakacah Tech Show Robocon 2012, giải nhất Adit sáng chế Việt Nam 2013. Rilo đơn vị DN bayar bản quyền yaom 2 tỷ, 3 tỷ đồng piah ngak pandap ni tabiak darak pasa min saai oh pablei, bo pambuak bruk song sa công ty phi lợi nhuận ngak tabiak boh camin ni piah alin brei ka yaok rituh urang sup meta dalam taneh ia. Saai khan lac:

Mboh urang sup meta biak kan, abih di nyu nan lac dom urang sup meta nao pablei vé số dok di gah merong negar ni, khol hulin sahaneng lac njauk alin boh camin ni brei ka XH. Tuk dok ngak phiên bản 3,4 ye hu dom urang pablei pandap di darak pasa Thủ Đức, tuk drei kan kandah urang ba brei ka drei hũ cà, hũ dưa ngak ka drei mboh biak bui sambai. Drei jia lac dalam XH ni dok hu rilo bruk siam mekre. Drei tok lac sa asar cuah sit min)

Ngan saong Tiến sỹ Nguyễn Bá Hải, bruk ngak tabiak dom pandap hu makna ka XH song ngak brei pachreih hatai takre roh duah, takre bruk ngak pahla ka dom urang karei, nan lac jalan ngak siam di abih piah ngak hu rilo yaom glong jang ka rai duik. Kayua yau nan ye bo saai palih ruah jalan nao karei oh yau urang halei, song cong khin buh pren yava di drei, hatung hatai song ilamu di drei ka taneh ia, ka palei negar. Nguyễn Bá Hải bahrau hu kapul dam dara Cộng sản Hồ Chí Minh pakat negar palih ruah lac sa dalam 10 urang ranaih umo VN naih gheih thun 2014./.