Ngan song urang tong ikan NT, bruk hu ngak pô dom boh kapan hu công suất meng 400cv (mã lực) tagok piah tabiak tasik dok prong jang bruk padang ngak sa boh sang prong. Bruk ngak pô dom boh kapan hu công suất praong piah tabiak tasik tong chap ikan lac bruk bo urang tong ikan halei jieng cong khin. Min tui nghị định 67, urang tong ikan brei hu phun jien 30% piah ngak bahrau kapan kanduh kayau song meng 5 tal 10%  piah ngak bahrau kapan kanduh pasei atau kanduh composite.. Ni lac bruk kan kandah di rilo urang tong ikan dalam tỉnh Ninh Thuận. Ong Huỳnh Văn Sê daok di Tri Hải, huyện Ninh Hải, tỉnh Ninh Thuận lac:

Hulin urak ni hu sa boh kapan prong bloh dok hu sa boh 17 mét min urak ni hulin caong karja brei ka hulin mesraiy 20 -30 % piah ngak papraong halam njul song jamriak tui iek atah meng 100-200m, khol hulin likau gilang pariak brei ka khol hukin mesraiy yaom jien nan piah ngak dom bruk yau nan.

Tui ong Nguyễn Duy Hưng, Trưởng phòng tín dụng dhar gilang pariak Ngak nong song patagok palei pala NT, sa dalam dom kan kandah tra dalam bruk peih ngak Nghị định 67 nan lac:

Rilo urang tong ikan khin blei jamriak klak di negar lingiu, jamriak klak di Đức di Mỹ song di Japon min tui nghị định njauk blei jamriak bahrau nan ye mik va oh ka hu mbaok tame bruk ni.

Ni lac sa dalam dom kan kandah dalam bruk peih ngak Nghị định 67, abih di nyu nan lac salih bahrau kapan meng công suất jamriak sit ala 400 CV tagok jamriak prong labaih 400 CV piah hu mbang tui dom ưu đãi di Nghị định 67.

Anak bruk caong ngak bahrau, salih bahrau kapan tong ikan công suất prong di urang tong ikan, urak ni dom cơ sở ngak kapan di tỉnh samar buh jien tabiak, paglong pren khang piah ngak dom kapan kanduh kayau song composite hu công suất meng 400 – 800 CV piah pabak ka bruk ngak kapan công suất prong di urang tong ikan. Ong Võ Hữu Thông, Giám đốc phân xưởng ngak kapan Khánh Hội, huyện Ninh Hải brei thau:

Tui pren di drei, urak ini kol hulin meda ngak bahrau sa thun labaih 20 boh kapan hu công suất meng 400 CV tal 800 CV. Daok urang ngak kapan ye menuac dalam palei meda ngak hu. Biak cong khin puk palei hu bloh danak dak patagok ye daong palagaih ka DN dalam tỉnh hu patagok song mik va urang tong ikan dom boh kapan hu công suất prong.

Urak ni bruk peih ngak dom sarak patagok kaya ikan tui Nghị định 67 di rajaei daok hu tỉnh NT biak caik hatai sangka piah langyah tavak taviay ka urang tong ikan dalam bruk mesraiy phun jien tui Nghị định 67 di rajaei. Meng nan, pachreih urang tong ikan dalam tỉnh ngak kapan prong, tani tanat bruk ngak mbang, patagok khang kajap, paglaong jien mek tame, dong khik kajap chủ quyền tasik di tanerh ia./.