Bac tamat gah báo chí di sang bac Cao Đẳng truyền hình 1 di Thường Tín, Hà Tây - Hà Nội, thun 2004, meng hatai tari tarieng, sami samar di umo ranaih, meng sa urang papar sap, urang vak báo Bá Minh Triều hu urang dang akaok Rayo papar sap song papar binguk Ninh Thuận ba tapa Phòng Chuyên đề song sap bangsa ngak danak dak papar binguk sap Raglai song gam quay phim ka danak dak rayo papar binguk sap Chăm. 2 danak dak nan hu ba tagok riyak lingik 2 mbang sa bilan. Bruk ni hu daong ka sa-ai hu nao ngak bruk rilo. Biak glaih glar kayua bruk biak rilo, min tuk halei jeng yau nan, yaom lac langik pandiak atau hajan, yaok harei, khán giả rayo papar binguk jeng yau mik va urang Chăm saong Raglai bhian mboh urang vak Minh Triều nao tal bhum atah bayah, bhum ceik car, tasik, pulao, bhum urang bangsa takik piah ngak phim, vak kadha.  

Labaih 10 thun pambuak haong danak dak papar sap bangsa, gam saong dom ilamu bac megru hu tapa bruk ngak, hu dong ka saai padang ngak danak dak tui rilo jalan, pabak rilo khau tin jang tal bhap bini dom bangsa adei saai. Meng nan danak dak papa sap binguk sap Raglai,  danak dak sap Chăm kayua saai dang ngak dak harei dak hu urang takre. Dom phim phóng sự,, danak dak atau tạp chí chuyên đề kayua saai ngak, hu mbaok dalam Harei pataom papar binguk pakat negar jeng ba mai giải glong ka rayo papar binguk Ninh Thuận

Karei jang Bá Minh Triều, nhà báo Từ Công Thử - urang vak di Báo Thông tấn xã Việt Nam daok di tỉnh Ninh Thuận dahlau deih ngak bruk di sang bac Đại  học khoa học Xã hội song Nhân Văn. Oh hu bac megru meng dom sang bac báo chí, nan ye bac eng, megru eng lac jalan bo urang vak Từ Công Thử tame bruk vak báo song mbiah tal urak ni, bruk pasram megru jeng daok lac sa bruk biak takre di saai. Taphia bruk bac megru, saai bhian duah thau ka rai duik, hatai takre di độc giả, di bhap bini yaok puk palei hu sangka tal bruk hagait, dom bruk dalam rai diuk, dom bruk hagait urang caong thau Urang vak Từ Công Thử brei thau, jalan ba tal jak jeng di sa kadha vak nan lac hatung hatian song trách nhiệm. Urang vak njauk lac urang duah mboh dom bruk hagait suan, bruk hagait oh ka ngak siam di đơn vị atau menuac urang, meng nan duah tabiak jalan ngak pasiam, oh lac ndom jhak urang. Nan lac bruk ngak song trách nhiệm di urang vak báo.

Yaom lac hu jiak 10 thun vak báo, min mbaih tal harei ni tuk vak sa kadha vak atah atau sa khau tin panak, saai jeng dok sahaneng kuhria ngak habar ka dom kadha vak nan nyu njauk haong bruk biak. Meng nan tuk pan kalam, saai sahneng tal bruk kadha vak di drei ảnh hưởng yau habar tal XH, kayua yaok kadha vak lac sa thông điệp, nyu meda lac panuac anit ranam, jeng hu tuk lac sa bản kết án. Urang vak báo oh lac sa chiến sĩ nao dahlau gah tư tưởng văn hóa, bo dok lac sa urang thau samar bruk dok rah tabiak yaok harei. Urang vak duah mboh di anak meta rilo bruk daok cuang kandah, ba but kalam song hatung hatian di drei vak tagok dom bruk pandiak dalam rai duik, brei thau  giá trị nhân văn dalam yaok kadha vak di drei. Tui saai, piah gheih bruk oh lac dalam drah samar bo brei hu sa tuk vak ngak bruk suai lavik, gam song hatai biak takre.

          Yaom lac rai duik harei ni daok salih bahrau yaok harei, min dom urang vak báo dalam taneh ia, dalam nan hu urang vak báo lac urang Chăm tuk halei jeng lac dom urang lin di gah văn hóa – tư tưởng, caik hatai tui pang panuac ndom di bhap bini song vak veik meng hatung hatian hacih sa-at di drei, rik dong patagok XH./.