Binh Phuoc nan lac bhum taneh di dom urang khang hatai; labik raong ba hatai saneng saong hatung kham marat, hatai anit ranam bhummi, taneh aia palei negar saong caong khin pok drei yam tagok biak khang. Yaok cagam taneh labik ini jeng njaom bak ia hauk, rilo darah di tal tal urang nao dahlau – dom urang oh huac di glaih glar kan kandah, oh huac di metai lahik, dang khang rup khik cam jaman, kham merat khik ka bahu saong dak padang bhummi.

Yaom mada lac daok rilo kan kandah min tapi dang tui bruk pal akaok ba jalan, sangka di kapul pan akaok pakat nagar Ndang, Ndang bo, karja puk palei saong bhap bani dalam tỉnh hu gul pataom sa hatung hatai haong gauk, patagok ilamu cách mạng, mek hu rilo baoh jeng siam mekre taong abih gah.

Thun 2024, Binh Phuoc mek hu labaih 115.000 ty dong, patagok jaik 92 mbang dut haong tuk bahrau dak padang tỉnh di thun 1997; bruk cak rok patagok  GRDP vaktu 2021 – 2025 hu 9,4%, tanut glaong dut saong kuhria rah tapa grauk labik dalam negar; pachreih hu jien buh tame ngak di langiu negar jaik 5 ty USD; jien mek tame kuhria tui akaok manuac labaih 100 trieu dong; ha tang kinh te - xa hoi hu patagok samu di gauk saong dak harei dak peih ngak siam jang,… Ini lac asal kadha brei ka Binh Phuoc yam takai tal jalan ngak jeng tỉnh ngak kong bahrau, mek hu baoh jeng siam mekre saong khang kajap dalam thun 2030, jeng sa “labik mai biak chreih” di bhum taneh Dong Nam Bo.

Amuk Trần Tuệ Hiền, akaok UB Bhap bini tinh pok panuac lac, piah Binh Phuoc “par hu” ye bruk pambuak pagam bhum labik nan ieu lac jalan ngak piah brei hu bruk pambuak gauk paih cak rok patagok. Dalam nan, cak rok patagok samar jalan mbak nao mai ngan haong hatai saneng “nao dahlau sa yam” nan lac sa bruk njauk ngak dahlau di abih dalam tukvak masa urak ini, gam peih talaih dom tavak tave, gam palaghaih ngak brei patagok samar dalam bruk padang ket cau ha tang ka nyu samu gauk, ngak brei pachreih, jak ba urang buh jien tame ngak, jhul patagok kinh te, xa hoi, pakaro tantu an ninh, kajap nagar dalam tinh.

Cambaih laih, danak dak padang ngak jalan Ban raya Ho Chi Minh – Chơn Thành, jalan raya Barak – Meraong gah Pur  canah Gia Nghĩa (Dak Nong) – Chơn Thành (Binh Phuoc) hu peih ngak saong ba tame pandar ye meda ngak jeng sa canah jalan bahrau oh daok pambak tame rilo di jalan Nagar Quoc lo 14, pambuak pagam saong bhum Tay Nguyen saong bhum kinh tế prong di gah Meraong. Hadei di tuk danak hu ngak blaoh ye meda ngak brei katut panak tukvak masa nao mai meng tinh Dak Nong nao Binh Phuoc mai ban raya Ho Chi Minh, jeng yau ngak brei palaghaih pamuak pagam haong mblang kapar haok Long Thành saong pabah Lamnge Cái Mép – Thị Vải (tinh Ba Ria – Vung Tau), ngak jeng yam barau dalam bruk cak rok patagok kinh te-xa hoi, pachreih urang buh jien tame ngak saong khik tani tanat hu karo kajap an ninh, quoc phong nagar.

Piah kham merat jeng sa baoh tỉnh ngak kong, Binh Phuoc jak ba dom prein khang piah cakrok patagok dom bruk ngak dalam khu labik ngak kong; dalam nan, vaktu 2025 – 2030, tỉnh meda daok hu 14 labik ngak kong hu pabak tame ngan saong mblang taneh dak blaoh tui kuhria dahlau 33 ha/cụm. 

Binh Phuoc meda hu sa majam he sinh thai buh jien tame ngak mbang pablei salih tani tanat saong khang kajap, piah taduan raok dom urang buh jien tame ngak mbang. Tinh patui veik patagok hatai gul pataom, bruk daong prein, sa hatung hatai di taong abih majam politik, urang ngak mbang blei salih saong urang bhap bani di dalam tinh. Meng hatai kham merat praong glaong, Binh Phuoc meda mek hu dom baoh jeng siam mekre, rik daong tame bruk cak rok patagok di taneh ia bhum palei saong nagar./.