Ban Gia Nghia, tinh Dak Nong dom harei ni bui sambai di bilan paik kaphe. Mek prein katung tamra tuh bak baoh kaphe tasak bhong meraik, ong K’Sung, bangsa M’Nong, akaok mbuon Ting Wel Đơm (xa Đắk Nia) chreih chrei khan lac thun ni mikva ngak nong mek jien tame ralo. Tui ong K’Sung, kayua thau bac magru ilimo hu yau nan rai diuk mikva dalam mbuon dak harei dak tagok glaong, ralo baoh sang ngak mbang kaya mada. Mbuon hu labaih 350 baoh sang bhap bini, jaik 40% lac bangsa M’Nong, daok veik nan bangsa Yuan, abih tih mikva diuk rai thau pajum pataom, pambuak tangin haong gauk, daong gauk ngak mbang piah patagok.

Gam haong bruk ngak mbang patagok kinh te, dalam bruk padak padang palei pala bahrau, dom xa dalam ban Gia Nghĩa baik caik hatai tal bruk khik ramik, patagok dom makna ilimo meng kan. Labik ilimo kong chieng hu mikva daok dalam yaok mbuon palei hu khik ramik, padak padang dom kapul cong chieng tui umo thun, meng urang taha umo tal uranaih thei thei jang pasram magru ma-in taong kong cieng. Ban jang padak padang dom danak dak piah daong mikva dalam mbuon palei peih ngak dom palei manyim khan bai bangsa meng kan, palei ngak alak tapai, padang mbuon yulit bhap bini. Muk Quản Thị Ngọc, Phaok akaok UBND xa Đăk Nia, dom makna ilimo menh kan pambuak haong ngak yulit, yitvu hu daong ka mikva dak harei dak mek jien tame hu ralo.

“Xa daok ngak bruk patagok yulit, So Ilimo Thong tin, di Ban hu iek daong dom co so ha tang ka dom mbuon palei. Gam haong nan, khol dahlak jang khik ramik hu 2 bruk ngak meng kan nan lac manyim khan bai saong ngak alak tapai, yaok bilan jang hu ralo urang mai blei pandar.”

Ban Gia Nghĩa hu 2 xa, 6 phường, 64 mbuon palei, puk dalam ban. Ngak tui danak dak pakat nagar padak padang palei pala bahrau, karja ban Gia Nghĩa thau lac, gam haong bruk daong di Karja ye brei jak ba bhap bini tame, hu bhap bini njauk hatai. Tapa bruk peih ngak danak dak, brei hu bruk ngak po di bhap bini, cambaic laic tui jalan “rahra thau, rahra nyaom, rahra ngak, rahra pasang”. Hu yau nan, rahra njauk hatai ngak tui dom bruk siam makre bo danak dak ba tabiak lagaih tui prein di drei. Ong Đỗ Tấn Sương, Akaok UB Bhap bini ban Gia Nghĩa brei thau:

“Mbang akaok mati lac palei pala bahrau tal palei pala bahrau paglaong, palei bahrau kieu mau lac hu abih kein lagaih ka bhap bini. Caong hu yau nan ye dahlau abih nao pathau khan ka mikva mboh hu kein laba, ndien, jalan mbak, sang bac, balai iek ruak tui dom tanut chuan, abih di nyu lac jalan mbak, tatua nao mai hacih sa-at, mikva hu lagaih dalam bruk nao mai, pajeng ba kaya nong. Urakni gam hu 3 danak dak pakat nagar tra, daong salih bahrau mbaok mata palei pala dom xa dalam ban.”

Mai tal dom mbuon palei pak ban Gia Nghĩa harei ni, nao ngaok dom jalan tuh menyek, jalan be tong njok njac tapak mboh ralo baoh sang hu bahrau hu padang praong siam. Tui haong nan ralo bein kaphe, durian siam hijao, duah hu jien tame biak ralo. Gia Nghĩa ba tabiak tanut ngak tal thun 2025 abih 2/2 xa hu tagok bhum bahrau pok glaong, dalam nan hu 1 xa jieng bhum palei bahrau kieu mau, lac bhum hadah di tỉnh Đăk Nong dalam bruk padak padang bhum palei bahrau, pasang tal jaman bahrau, jaman pok drei patagok di nagar Viet Nam.