Sa di dalam dom urang ngak nong jak jeng di gah ialmo ky thuat pala drak bahrau saong salih taka so siam lagaih, brei khan tal bruk pala tamun rajam barau di sa-ai Huỳnh Sa Rây (bangsa Khmer) di phuong 7, Ban Tra Vinh. Ngan haong 1.200m2 taneh pala dalam sang nyuel halam, yaok thun jien mek tame jaik 200 trieu dong meng baoh tamun, glaong tagok yaok pluh mbang dut pachoh haong pala padai. Sa-ai Sa Rây brei thau, pala tamun dalam sang halam nyuel hu rilo bruk kein lagaih siam, daong pacang khik tamun plaih kanjah jhak di langik, pacang halak haling tame mbang baoh, dalam tuk tui raok brei tanjaoh ia ye pasang iek hu ia, daong ka baoh tamun mek hu janih dinh duong siam jang. Dalam nan hu jalan raok ia tanjaoh ini hu pandar meng atah tui samart phone.

Daok sa-ai Sơn Sa Vết, daok di xa Lương Hòa A, huyen Châu Thành, yaom mada lac sa urang ngak nong hu ngak bruk pala padai meng lawik mai paje, min tal akaok thun 2023 gait hu salih 3 kong taneh tapa brei pala baoh kruac aik oh hu asar. Sa-ai Sa Vết brei thau yaom lac mbang akaok meti pala janih kruac aik ini min biak khang hatai kayua hadei tuk tut angan tame kapul Hop tac xa ye grauk ilamo jammariak ky thuat, pajaih… tal akaok pablei tabiak di dom janih pandap panda jeng hu kapul Hop tac xa pagun sanya blei abih. Urak ini baoh kruac aik daok barau tabiak baoh.

Tui yau dom urang hu rilo thun pala kruac aik oh hu asar, kuhria rah tapa yaok thun sa phun kruac aik brei baoh meng 70-100 kg, haong yaom di darak pasar meng 8.000 tal 20.000kg, hu kapul Hop tac xa blei abih ye urang ngak nong hu kein laba meng 300-400 trieu dong/ha. Sa-ai Sơn Sa Vết brei thau lac: ky thuat pala drak urak ini biak hadah krah, bahrau, ky su meda tacei ba urang ngak nong tapa smart phone.

Oh lac sa janih pandap kaya ngak nong hu yaom kaom glaong bo dalam bruk pala padai, urang ngak nong jeng oh daok bruk “tram di pandaik riak di hajan” yau dalau. Dahlau daih dalam bruk pala padai, glaih glar saong ngak kanjah jhak brei ka prein yava, dalam nan hu tal tuk pruh jru pametai anek arah kataot katit, kayua pandar abih meng prein menuac. Di dom bruk pambuak pala drak, Hop tac xa urak ini jaik abih dom gah pala drak, meng gah srap gap tal yuak padai jeng hu pandar meng jamraik. Dom Hop tac xa hu ngak tal bruk pasang iek ia, halak haling, jit ruak jeng tui tapa app di smart phone. Bruk ngak ini oh lac tok ba mai siam lagaih glaong jang bo daok patakik hu rilo bruk palai prein di urang ngak nong. Ong Trương Hòa Thuận, Yam ndok Hop tac xa Ngak nong Phước Hảo, xa Phước Hảo, huyen Châu Thành brei thau: “Pala drak urak ini pruh ia pruh jru ye pruh meng drone, drak padai meng jamraik, blaoh yuak, balik pong ye jeng ngak meng jamraik abih. Daok pasang iek halak haling, jit ruak… jeng tapa app di smart phone saong puac mbang pala ye kuhria iek veik taong abih bruk ngak blaoh. Bruk pala drak ini hu siam lagaih biak rilo, urang ngak nong daok pak sang jeng meda thau hu 1m2 padai harei ini hu dom halak haling, meyah takik ye oh tut angan pruh jru. Maong mboh lac urang ngak nong pasang iek jit ruak meng smart phone hu saim lagaih biak rilo dut pacoh haong meng kal”.

Hop tac xa Ngak nong Phước Hảo hu So Ngak nong saong Patagok tinh Tra Vinh pilih ruah piah ngak iek dahlau bruk padai hu asar brah siam, tathuak nerak biar tukik haong ilamo ky thuat pala drak bahrau. Tapa 2 mbang pala iek dahlau, padai tuk halei jeng glaong jang 0,8-1 tan/ha dut haong nang suat padai bhian pala langiu di bruk ngak. Ngan haong ilamo ky thuat drak padai, pajaih khin brei tok 60 kg/ha dut haong 120-150 kg/ha yau dahlau daih. Langiu di nan, dom khak drak, pruh jru pacang khik thuc vat jeng hu trun rilo; patakik bruk jaleih phun, bruk glaong kajap jeng daong ka yuak kuak hu glaong jang. Bruk pala drak bahrau ini mek hu kein laba labaih 46 trieu dong/ha, tagok jang 7 trieu dong/ha dut haong bruk pala tui jalan adat klak./.