Ralo urang blei dalam nagar dan thong langiu nagar ye Japan mada hu pan di tangn janih ndap sit sot kein lagaih ngak meng kandoh meip yau ye: kapah manei ia, janih pabum ka anek main... Ndap nda nan sit atau praong jeng ieu lac hu angan, hu mboh janih kadha.

Janih hu angan Mr Mướp di Công ty TNHH Green Is Gold blaoh Đỗ Đăng Khoa ialah Founder dan haong CEO, padang haong ba ngak. Urak ini, langiu ngak tabiak ndap nda meng kandoh meip, Công ty di J’Khoa daok pataok ngak ndap nda meng kandoh tangei, phun njam hang (bèo tây)…piah paralo janih ndap nda jeng ye pandar dom janih pandar blaoh di palei. Bhum ngak jeng ndap nda di kong ti di dom bhum taneh hujung kraong Mekong yau ye An Giang, Tiền Giang, Đồng Tháp, tal gah itmur dom tinh yau ye Lâm Đồng, Bình Phước…. gam haong darak pasar Japan, Korea, J’Khoa daok jaga janih piah ba tagok majam Amazon, ba nao al darak Bắc Mỹ haong Châu Âu. Tui Đỗ Đăng Khoa, gilac mai palei peih bruk ngak mbang meng taneh hluk palei pala di drei ieu lac sa bruk njauk ngak: 

“Viet Nam ieu lac sa baoh nagar ngak nông, kaya mada di gah ngak nông ieu lac sa janih khang. Maik ame mukei jaman dalau oh ka hu jammariah jeng ye darak pasar ka oh praong yau jaman ini. Kayua yau nan ye pilih bruk gilac mai palei drei njauk saneng ngak yau habar piah taduan mek hu dom janih kein lagaih di bhum taneh palei pala di drei brei ka manuac urang, taneh ia du bhum urang ngak nong. Blaoh di nan gam haong glao akaok pambuak thong darak pasar, kaya jammariak barau piah ngak tabiak ndap nda, yaom kaom glaong jang, bam ai kein raba ralo jang.”

Tui Đặng Khánh Duy, Tong Yam ndoc Kong ti TNHH Tân Nhiên di huyện Hòa Thành, tỉnh Tây Ninh ieu lac sa kadha peih bruk ngak mbang – bruk ngak jak jeng mai meng thau saneng kuria.

Oh praong tagok di Tây Ninh piah peih bruk ka labik ini meng tapei tuh racham thong tapei that. J’ Duy khan lac, pei tuh pei racham urang Tây Ninh ngak meng lawik halei mai paje min tapi nyu yeng nao yeng mai dalam bhum palei, urak ini kin patagok njauk salih cara, njauk peih praong darak pasar. Blaoh di nay J Duy saneng, blei jammraik ngak tabiak kaya har angan Tân Nhiên- lipih, laman, lamuac, oh cang njuk ia dalau sim bang.

“Akau buh jien tame tui danakdak ngak. Mada ieu lac tapei tuh tapei racham biasa min kaya Tân Nhiên ngak meng jammariak njauk tui danak dak FFSC 22.000 ba tabiak kaya ndap nda siam jang, hu angan di darak pasar, njauk hatai urang blei di darak pasar, sanang lagaih brei ka pablei tabiak langiu nagar.” 

Urang blei salih gak ngak nong dam thau lac manuac bhian tabhia bac magru dan thoang duah ngak mbang, Urak ini gilac mai palei, peih bruk ngak mbang piah ba kaya tabiak darak pasar, dak tuk brei pablei tabiak langiu nagar bam ai yaom kom glaong. Tapi min ngak hu bruk nan oh ieu lac sa janih bruk ngak hu ilamu, jak krah, hatai caong khin oh ka abih. Blaoh nyu daok nyu daok njauk hu meng sarak karja, hatai ieik glang jeng prein yawa ka cambac./.