Umo ranaih di Wa Hồ song Wa Tôn hu rilo janih dreih gauk dalam akaok sahaneng, dalam bruk ngak song samar jeng talei rohim meng dom harei camereip dalam tuk vak duah jalan dong ka taneh ia song peih paha bangsa. Thun 1919, tuk Wa Hồ lambaok dom urang VN anit ranam taneh ia dok di Prang payua tal Hội nghị hòa bình Véc-xay song dom kapul urang hu mbaok dalam nyom biai Bản yêu sách 8 điểm, ndok quyền tự quyết ka bangsa VN, jeng lac tuk Wa Tôn brei mboh jalan nao di drei hu palih ruah tapa bruk hu mbaok phản chiến, tual hala doh meriak bhong angaok chiến hạm France, di hạm đội Địa Trung Hải di Pháp, daok di Biển Đen, mesup harei 20/4/1919, piah phản đối bruk hu mbaok di đế quốc Pháp tame Nga song pachreih tui CM bilan 10, pachreih tui negar Nga Xô viết. Hadei di tuk srau kadau di Biển Đen, puac thun 1919, Wa Tôn luai ngak lin hải quân Prang, ngak thợ máy ka hãng xe hơi Rơnô (Renault), hu mbaok  dalam Tổng công hội Pháp, abih hatai jai ka bruk công nhân song bruk anit ranam taneh ia di kiều bào drei daok di Prang. Dalam tuk vak ni, bản yêu sách 8 paka song angan je Nguyễn Ái Quốc hu ảnh hưởng biak khang dalam dom urang VN daok di Prang. Hu rilo mbang Wa Tôn nao duah Nguyễn Ái Quốc min oh taom. Yaom lac yau nan, min tapa dom urang Việt Nam anit ranam taneh ia daok di Prang, Wa Tôn thau hu hatai sahaneng di Wa Hồ

          Jiak 30 thun hadei Wa Tôn meng hu gaok Wa Hồ. Jiak 30 thun nan lac sa jalan atah mesruh metak rambah rambeip di urang thợ máy Tôn Đức Thắng. Meng angan je saong naih gheih, Wa Tôn hu Đảng, karja song bhap bini jia hatai, jao brei ngak  rilo bruk ngak prong: Quyền akaok mintri Nội vụ, Tổng Thanh tra Rajaei, Akaok mban TƯ jak ba pakacah gauk anit ranam taneh ia, Akaok mban Thường trực Quốc hội, Akaok Uỷ ban Trung ương Mặt trận negar Việt Nam, Phó akaok negar song hadei di nan lac akaok negar.

Dalam bruk ngak halei Wa jeng kham merat ngak siam bruk hu jao brei piah pabak hatai anit ranam song jia tame di bhap bini, di Đảng song rajaei. Ngak tal akaok negar min Wa Tôn tuk halei jeng ba drei tame bhap bini, song iek prong pren yava, bruk ngak di yaok anek menuac. Hadei di ja yah bruk mesruh metak pacang khol Prang meblah taneh ia, Wa Hồ, Wa Tôn, TƯ đảng song rajaei mai daok veik saong ngak bruk di ban ine HN. Langiu bruk ngak, 2 Wa bhian nao mai rivang gauk. Harei 20/8/1968, dalam tuk peih bruk uan Wa Tôn hu 80 thun. Wa Hồ kua Wa Tôn song puac 2 câu thơ alin ka Wa Tôn “Dak taha hatai khang dak glong” tong Mỹ dong ka taneh ia takik thei hu yau taha”. Wa Tôn pang bo mboh drut droi dalam hatai… Biak haniem phol ka taneh ia drei, ka bhap bini drei, dalam saman bahrau, di kreih abhap 20, hu 2 urang akaok negar, Wa Hồ song Wa Tôn, jeng hu trak hatai anit taneh ia, ranam bhap bini, gam palih ruah ka drei jalan nao karei min hu taom gaok gauk di sa jalan CM./.