Di palei Ayun, xã bhum atah Ea Kuêh, huyện Cư M’Gar, tỉnh Đắk Lắk, thei jeng thau tal Y Nhân Niê. Umo barau 24 thun min urang likei dam bangsa Ê đê Y Nhân Niê oh lac urang thau angaok thau la, iek glang ka dom adei bo daok lac kreh camin di bruk dam dara ngak mbang naih joi. Dalam kadha “kreh camin palei negar” harei ini, daa mikva saong taong abih gauk pang kadha vak angaok harak bao Điện tử Đảng Cộng Sản Việt Nam khan ka kreh camin ngak mbang naih joi ini:     

Barau ini, Y Nhân Niê hu tỉnh Đoàn Đắk Lắk alin brei harak meyaom kayua naih gheih dalam bruk jak ba “Dam dara Đắk Lắk bac megru saong ngak tui panuac Wa” tukvak 2007 – 2009. Y Nhân Niê lac saai tacua di baoh sang hu 5 adei saai nan ye rai diuk gaok ralo kan kandah. Daok bac phổ thông, mboh sang kurang anak kurang likuk, amaik ame taha, Y Nhân Niê padeih bac piah kuhria ngak hamu puh saong daong ka dom adei hu sanang hatai nao bac.

Baoh sang Y Nhân Niê hu 4ha taneh puh, dahlau daih ngak padai, pala tangei lai, min kein laba oh glaong. Tapa yaok thun patak pataom hong jien mesraiy di gilang pariak, Y Nhân Niê salih tapa pala cà phê. Yaok harei, meng 6 tuk mesup mai Y Nhân Niê tapaok lisei tagok puh, kham merat ngak bruk tal 18, 19 tuk meng mai sang. Dom thun camereip, tuk phun cà phê oh ka khép tán, Y Nhân Niê pala pablak phun tangei lai, ratak dom janih gam hu tukvak iek glang siam ka phun cà phê, yaok thun daok mek hu yaok pluh tấn tangei, ratak piah patagok jien mek tame ka baoh sang. Y Nhân Niê daok hu Đoàn xã brei nao bac tal pasram megru, rivang dom baoh sang pala drak ngak mbang naih joi gah phun cà phê, raong glang.

Y Nhân Niê daok hu raong yaok pluh drei pabui pandar khak hijao, khak var ro ủ hoai mục buh ka phun cà phê. Kayua hu đầu tư thâm canh đồng bộ nan ye 4ha cà phê di Y Nhân Niê thun halei jeng mek hu meng 3 tấn cà phê asal tagok dalam sa ha. Yaok thun, Y Nhân Niê mek jien tame meng phun cà phê, raong pabui, menuk hu meng 250 triệu đồng tagok. Yaom lac biak jar var saong bruk ngak puh min Y Nhân Niê kuhri kuhria bruk sang biak siam. Phun cà phê hu ba mai ka Y Nhân Niê ralo jien min Y Nhân Niê oh ngak sang barau, oh blei radaih siam bo piah jien đầu tư ka phun cà phê, blei pandap, blei jamriak brei ka bruk pala cà phê. Y Nhân Niê jeng hu payua jien tame gilang pariak saong hatai saneng piah harei hadei kuhria ka dom adei tuk kol nyu praong tagok./.