Harei halei jeng yau nan, abih tuk vak ngak bruk di trụ sở UB bhap bini xã Măng Cành, saai Y Ró, Akaok Kapul liên hiệp urang kamei xã nao tal sang dom adei saai di dom puk palei. Lac urang anek di bangsa Sê đăng ndiH tapui tabiak song prong tagok di bhum palei Măng Cành, Y Ró thau hu dom hatai sahaneng di urang kamei Sê đăng. Piah ka dom adei saai yam tagok dalam rai diuk, Y Ró duah thau bruk di yaok saai, meng nan kham merat pathau khan langyah tacei ba adei saai ngak dom kadha yau : piah khik caga pren yava brei mbang menyum hacih saat, dalam raong, pala brei thau buh khak pacang ruak. Saai Y Tuấn, urang di chi hội urang kamei palei Kon Chênh brei thau

Saai Y Ró yaok harei, yaok bilan bhian tame PALEI pathau khan ka hội viên ngak siam bruk KTXH, puh ramik jalan mbak, puk paga, sang danaok hacih saat. Saai hu jak ba dom hội viên patagok KT dong ka dom hội viên kan kandah. Meng di tuk hu saai Y Ró pathau khan, harei ni di palei Kon Chênh hu patagok. Adei saai jeng tabiak truh hu kan kthaot. Hu saai Y Ró jeng hu pandap mbang, pandap piah.

Anak bruk adei saai kamei dalam xã oh ka bhian randap pandar cai patak pataom, saai Y Ró dang tabiak jak ba, tacei pato 22 hội viên chi hội palei Đắc Ne padang kadung jien patak pataom. Piah ka dom hội viên oh thau akhar horoh jeng meda hu mbaok tame, saai Y Ró sahneng tabiak bruk pandar con dấu. Kayau yau nan ye, hội viên mbuan si thau hadom mbang drei hu mbaok rik patom kadung jien tapa dom mbang hu mbaoh tara tame. Meng 10 ribau đồng sa mbang rik tame, puac thun 2011, kadung jien patak pataom di chi hội urang kamei palei Đắc Ne hu labaih 11 triệu đồng. Meng kadung jien ni, 6 urang hu rai duik kan kandah hu mesraiy jien blei pabui pajaih rong hu kein liba. Ndom tal jalan ngak ni, ong A Ning, Akaok UB  bhap bini xã Măng Cành brei thau

Dahlau deih bhap bini oh ka thau patak pataom, hu du lei cai abih du nan. Tuk hu Y Ró pachreih ba nyu ngak jeng bruk bhian randap ka dom hội viên di drei lac padang kadung jien piah patak pataom. Oh pagam pambak tame bruk daong brei yau dahlau deih, Mban thường vụ đảng ủy xã hu tacei pato lac njauk pambak prong jalan ngak ni tapa dom puk palei karei karei thau lac piah ngak tabiak jien oh lac mbuan, brei thau patak patom pandar cai yau habar ka siam, lagaih. 

Taphia bruk khik ramik, peih ngak siam bruk jak ba “ Dak padang boh sang 5 oh, 3 saat” song kadung jien patak patom chi hội urang kamei palei Đắc Ne ngak hu siam lagaih. Bruk jak ba di Y Ró dok ba chreih chrai dalam bruk pakacah gauk ngak mbang sản xuất di xã Măng Cành, yau ye bruk urang kamei dong gauk patagok KT song padang ngak palei pala bahrau. Taeng thun ni, hu labaih 350 hội viên hu mbaok di 10 chi hội di xã Măng Cành hu dong gauk yaok ribau harei ngak bruk, yaok pluh ribau phun pajaih, kham merat tuh bê tông jalan mbak puk palei dong ka xã mek hu 9 dalam 19 tanut padang ngak palei pala bahrau. Saai Nguyễn Thị Hằng, Phó akaok Kapul liên hiệp urang kamei  huyện Kon Plông brei thau:

Sa-ai Y Ró lac akaok kapul urang kamei xã hu karja, hu Đảng, hu dom pakat hội pakat angaok tong yaom glong ka bruk ngak di saai, hu pren pambak praong dalam dom pakat hội karei karei. Urak ni bruk patak patom di palei Đắc Ne hu 5 xã krei tapa bac megru, thun 2016 hu peih ngak. Sa-ai saong sang sa-ai tuk halei jeng ba akaok nao dahlau saong jak ba boh sang patagok KT. Langiu di bruk saai tagok cơ quan ngak bruk, dom harei padeih sa-ai song pasang tagok puh iek glang cà phê jang yau rong pabui, rong menuk piah patagok KT boh sang. Urak ni saai padang hu sang praong siam, dalam sang hu ginup pandap panda.

Prong jang biak rilo dut song umo 31 thun, saai Y Ró - akaok kapul Liên hiệp urang kamei xã Măng Cành brei thau : dom bruk saai ngak hu biak takik dut song dom bruk dok ngak ka dom amaik, dom saai song dom adei lac hội viên urang kamei saong ka labaih 2.000 mikva Sê đăng xã Măng Cành. Tuk mehit lac Y Ró, urang kumei joi bruk taneh ia naih bruk sang, ngak hu rilo bruk siam ka Măng Cành hu nao pataom mbaok dalam nyaom roya pakacah gauk anit ranam taneh ia pakat negar mbang ka 9 thun 2015, adei saai hội viên song bhap bini dalam palei biak uan tabuan saong mboh hadah mbaok meta./.