J'niêng cr'bưn căh liêm crêê năc đợ bh'rợ tr'nêng căh liêm crêê, căh dzợ crêê cơnh lâng pr'ắt tr'mông nâu cơy. Râu k'rang bhlâng, pazêng j'niêng cr'bưn căh liêm crêê năc n'leh vaih râu mê tín năc bhrợ zr'năh k'đhap ha bhươl cr'noon, crêê pháp luật căh đoọng bhrợ têng, đươi dua. Lâng đhanuôr acoon coh năc j'niêng cr'bưn căh liêm crêê buôn bhrợ râu zr'năh k'đhap tơợ lang n'nâu tước ooy lang n'tôh.

Xay xơ năc bh'rợ chr'năp âng lang ma nưih. N'đhơ cơnh đêêc, óo bhrợ bh'rợ xay xoe dưr vaih zr'năh k'đhap ha coon cha chau.T'ruih âng zi xay truih nâu câi pa bhlâng choom đọong đha nuôr k'rang đọong pa chăp.

Pazêng c’moo hay, tỉnh Quảng Nam ta luôn k’rang tước bh’rợ zư lêy gâm âng crâng, pa dưr dal bh’nơơn crâng, chroi k’rong pa dưr dal c’rơ cha groong đhr’năng pleng k’tiếc tr’xăl. Tơợ zập chính sách bơơn ta đươi dua coh cr’chăl hay, bấc c’la crâng, đhanuôr zập vel đong da ding ca coong vaih nắc c’bhuh zư lêy crâng liêm choom. Tơợ đêêc, chroi k’rong t’vaih bh’rợ tr’nêng đoọng ha đhanuôr acoon coh.

Bhrợ têng cơnh c’lâng bh’rợ “Zập cơ sở đoàn bhrợ muy cr’noọ bh’rợ chr’năp”, pr’chấc p’niên zr’lụ da ding ca coong tỉnh Quảng Nam ơy xay bhrợ k’zệt cr’noọ bh’rợ, hun bh’rợ, tơợ đêêc pa dưr liêm chr’năp pr’hoọm a dooh t’viêng tình nguyện đhị vel bhươl lâng chroi k’rong bhrợ pa dưr tr’mông tr’meh, pr’ặt tr’nơt đhanuôr vel đong.

Choh crâng n’loong ga mắc t’hước tước pa dưr pr’ặt tr’mông đanh mâng, zư lêy crâng đác, pr’ặt tr’mông xoọc bơơn apêê vel đong da ding ca coong xay bhrợ zập ooy. Đhị thành phố Đà Nẵng, bấc chính sách zooi choh crâng n’loong ga măc ơy bơơn pa căh, xoọc tơợp đơơng chô bh’nơơn lalua ta nih, chroi k’rong zooi đhanuôr da ding ca coong chr’hoong Hòa Vang pa dưr dal bh’nơơn pr’ặt tr’mông tơợ crâng.

Lêy tih ooy râu tu, cr’đơơng tươc bh’rợ căh liêm choom lâng chơơc lêy đợ c’lâng bh’rợ đọong pa xiêr, k’zệ lơi đhr’năng tr’pay diic điêl bêl p’niên nhum, tr’pay crêê đhi noo c’bhuh xoọng, Hội Liên hiệp pân đil chr’hoong Tây Giang âi xay bhrợ bâc c’lâng bh’rợ bhrơợng lâng liêm choom bhlâng.

Đhanuôr zâp acoon cóh cóh đâu ta luôn lêy zâp apêê chiến sĩ biên phòng nắc đợ apêê đhi noo bhúh xoọng, pr’ắt bh’rợ quân lâng đhanuôr ting pa zưm nhâm mâng

Tây Giang năc chr’hoong c’noong k’tiếc âng tỉnh Quảng Nam lâng lâh 95% đhanuôr năc manuyh Cơ Tu. Coh pazêng c’moo ahay, chr’hoong Tây Giang ơy vêy bấc bh’rợ tr’nêng liêm choom crêê cơnh đoọng zư lêy lâng pa dưr văn hoá vel đong, coh đêêc vêy bh’rợ zư lêy chiing, ch’gâr âng manuyh Cơ Tu.

Amoó Y Đêl Thị Mlát, Chủ tịch Hội Liên hiệp pân đil chr’val A Nông, chr’hoong Tây Giang, tỉnh Quảng Nam năc vêy cán bộ, hội viên pân đil lâng đhanuôr coh vel đong xay moon năc cán bộ Hội zay, lứch loom lâng vêy trách nhiệm coh bh’rợ tr’nêng hội.

Bh'rợ đọong ca coon pay k'diic k'điêl, ca conh ca căn choom xay moon dal râu crêê loom âng ca coon l'lăm. Apêê đha đhâm c'mọor công choom ma k'đhơợng lêy pr'ăt tr'môông âng c'la đay.