Càr Dăk Lăk gam mŭt tàm kàl prang, kờp dŭ rơ̆p gơtìp prang uă tàm uă tiah. Gah lơh sa suơn sre mờ ală tiah tàm càr gam lơh ngan lơh jăt ală broă rơcang lài dà tuh nàng gàr niam broă lơh sa. Gùt càr Dăk Lăk geh rơlao 850 broă lơh bơtơ̆t rơbòng dà mờ mờr 620 tơnao dơng dà, rơlao 160 bơtơ̆t mờ 78 anih ƀồm.

Kờp tus lồi kàl mìu nam 2024, uă tơnao dơng dà tàm ală kơnhoàl Mdrăk, Ea Kar, Lăk, Ea H'leo mìng bơ̆t geh bơh 50% tus 80% khà dà. ală tơnao ndai tàm càr, khà dà kung gam ờ uă rơlao bơh 10 tus 15% pơn drờm mờ tŭ do nam 2024. Jăt ồng Nguyễn Văn Hà, Phó kwang lam bồ Sở Lơh broă sa suơn sre mờ bơtàu tơnguh ƀòn lơgar càr Dăk Lăk đơs, broă geh bal dà dờng, dà croh bal mờ tơnao dơng dà tàm càr soăt gờñ, gam là bơta pơhìn gơwèt mờ broă lơh sa suơn sre dê. Sở do neh sồr ală tiah rơcang lài lơh jăt ală broă rơcang lài. Lam ală tiah pal sền gròi nền nòn broă ngui dà, tam pà dà di pal nàng gàr geh khà dà tuh. gơwèt mờ phan tam jŏ nam gam lam sồr ală broă tuh dà ntờc, tuh geh sền gròi dà.