
Rlau 100 nă cau bơh Mpồl lơh broă bal Broă lơh sa sươn sre mờ Drơng broă Nam Yang (kơnhoàl Đăk Đoa dê) gam kơ̆p gơn kàl tơnhàu do rơ̆p cèng wơl gĭt nđờ jơ̆t tơmàn đong kơnờm bơh 50 lồ tiêu lơh geh cồng nha uă.

Ồng Nguyễn Tấn Công- Củ tịc Mpồl lơh broă bal do pà gĭt, bơh nam 2018 tus tŭ do, mpồl neh tam gơl gùng tam bơrlŭ bal tiêu mờ kơphê nàng tềm pềr priă tă, tơngguh bơta kơ̆ kơl jăp tềng đăp bơta tam gơl bơh drà kă bro dê. Bal mờ hơ̆, Mpồl lơh broă bal hòi jà làng bol lơh broă sa lơh jăt tam phan ờ ngui sơnơm sền gàr phan tam, lơh geh tơl jơnau sồr tăc mờ lơgar ndai. Mpồl lơh broă bal bơto sồr làng bol bañ ngui dà sơnơm ờ ai ngui tàm tam phan. Lơh jăt broă lơh tơrlòng lài tam uă phan tam, uă chi tam, tam tàm pơdar ờ lơh tơngguh priă tă lơh mơya dong priă lơh geh gơguh uă ngan. Kơnờm tam gơl gùng dà tam phan dipal, bă tiêu ờ rề ơnàng bè lài, cau tam tiêu tàm Gia Lai kung gam lơh geh priă jền uă sơl kơnờm giă gơguh mờ cồng nha lơh geh sùm.
Viết bình luận