Do là dơ̆ sơnrờp càr Dăk Lăk bơyai lơh broă lơh do tàm dơ̆ bơyai lơh Dơ̆ lơh chờ Kơphê Buôn Ma Thuột. Jăt hơ̆, Chờ sàl kơphê rơ̆p geh bơyai lơh bơh ngai 10 tus ngai 12 nhai 03 do tàm Tiah tềl lời wơl Kah Yal- Niam chài Sươn dờng Ca Da, sàh Ea Yông, kơnhoàl Krông Pắk, càr Dăk Lăk. Mờ tơnggume “Lòt bal, tam pà”, Chờ sàl kơphê rơ̆p cèng tus tŭ niam yal tơnggĭt uă pràn kơldang măt kă bro kơphê Buôn Ma Thuột, yờ tơngguh jờng rơ cau tam mờ lơh gơlik phan kơphê, mơkung đơs nền bơngă kơphê Việt Nam dê tàm sră wăc rùp ù tiah dunia.

Tàm chờ sàl, rơ̆p geh uă broă lơh gơkờñ ngan, geh: lơh sàl, ơn pơdơng phan bơna kơphê pơnrơ is, OCOP, phan bơna broă lơh sa sươn sre; ràng tơlik rùp, pơrlòng cau lơh broă sa tàm pơrlòng jak, tìp măt lơh kwèng niam chài- đơs crih tam ya mờ is ồn là ală dơ̆ pơrlòng lơh gơlik phan, chàng măy, klài dà kơphê bơkah pơnrơ is. Lơh chờ Kơphê Buôn Ma Thuột dơ̆ 09 nam 2025 geh lơh bơh ngai 09 tus 13/03/2025 mờ tơnggume “Buôn Ma Thuột anih tus bơh kơphê dunia dê”.