Ồng A Hà, Phó Củ tịc Anih duh broă Làng bol sàh Đăk Plô, kơnhoàl Đăk Glei, càr Kon Tum pà gĭt, tiah geh kòp geh tàm mpồl rơpu, kơnrồ tàm ƀlàng ròng tơngklàs Đăk Đơ, thôn Bung Koong. Tàm 10 ngai do tàm ƀlàng ròng tơngklàs do geh 4 nơm rơpu mờ 8 nơm kơnrồ gơtìp chơ̆t ờ hềt gĭt loh bơh tài bè lơi mờ gơbàn. Bơdìh hơ̆ tai geh 110 nơm rơpu, kơnrồ gam gơtìp bơtờp kòp.

Jăt Anih tờm drơng broă lơh sa sươn sre kơnhoàl Đăk Glei dê, digơlan khà rơpu, kơnrồ chơ̆t là tài bơh gơtìp kòp gơñồm mhàm sồt mồr. Ƀlàng ròng tơngklàs phan puan nơm jơng Đăk Đơ tŭ do geh 300 nơm rơpu, kơnrồ bơh 88 hìu làng bol thôn Bung Koong, sàh Đăk Plô, kơnhoàl Đăk Glei dê. Tềng đăp broă rơpu, kơnrồ tàm ƀlàng ròng tơngklàs gơtìp chơ̆t, Anih tờm drơng broă lơh sa sươn sre kơnhoàl Đăk Glei neh pà ing lài 80 lĭt dà sơnơm, 500 kĭ vôi ƀòk, 20 phan soh sền gàr să jan kơryan kòp bơtờp mờ sơnơm sơm ai khà rơpu, kơnrồ bơtờp kòp in.